ଭବାନୀପାଟଣା,୧୨।୭(ଡି.ଏନ୍.ଏ.): ରାଜ୍ୟ ସରକାର ଦଶ ଜଣରୁ କମ୍ ଛାତ୍ରଛାତ୍ରୀ ଥିବା ସ୍କୁଲକୁ ବନ୍ଦ କରି ନିକଟସ୍ଥ ସ୍କୁଲଗୁଡିକରେ ନାମ ଲେଖାଇବା ପାଇଁ ନିଷ୍ପତ୍ତି ନେଇଛନ୍ତି। ଏ ସମ୍ପର୍କରେ ସ୍କୁଲ ଓ ଗଣଶିକ୍ଷା ବିଭାଗ ପକ୍ଷରୁ ସମସ୍ତ ଜିଲା ଶିକ୍ଷା ଅଧିକାରୀଙ୍କୁ ନିର୍ଦ୍ଦେଶନାମା ଜାରି କରାଯାଇଛି। ଏହି ନିର୍ଦ୍ଦେଶ ଅନୁଯାୟୀ ବନ୍ଦ ହୋଇଥିବା ସ୍କୁଲ ନିକଟରେ କୋଣସି ସ୍କୁଲ ନ ଥିଲେ ଏବଂ ଛାତ୍ରଛାତ୍ରୀଙ୍କୁ ଦୂର ସ୍ଥାନରେ ଥିବା ସ୍କୁଲକୁ ଯିବାକୁ ପଡ଼ୁଥିଲେ, ଛାତ୍ରଛତ୍ରୀଙ୍କୁ ସ୍କୁଲ ଓ ଗଣଷିକ୍ଷା ବିଭାଗ ବାଟ ଖର୍ଚ୍ଚ ଯୋଗାଇ ଦେବାକୁ ବ୍ୟବସ୍ଥା ହୋଇଛି। ଏହି କ୍ରମରେ ୧୦ରୁ କମ୍ ଛାତ୍ରଛାତ୍ରୀ ଥିବା କଳାହାଣ୍ଡି ଜିଲାର ୧୮ ଟି ସ୍କୁଲ ବନ୍ଦ ହେବ ବୋଲି ଜଣାପଡିଛି। ସେଥିମଧ୍ୟରୁ ଜୁନାଗଡ ଓ ମ. ରାମପୁର ବ୍ଳକ୍ର ୪ ଟି ଲେଖାଏ ଥିବାବେଳେ କୋଲସରା ବ୍ଳକ୍ର ୨ଟି ସ୍କୁଲ ଏବଂ ଧର୍ମଗଡ଼, ଗୋଲାମୁଣ୍ଡା, କେସିଙ୍ଗା, ଓ ନର୍ଲା ବ୍ଳକ୍ର ଗୋଟିଏ ଲେଖାଏ ସ୍କଲ ବନ୍ଦ ହେବ ବୋଲି ଜଣାପଡିଛି। ଜୁନାଗଡ ବ୍ଳକ୍ର ଭାଲୁଗୁଣ୍ଡରୀପଡା ନୂତନ ପ୍ରାଥମିକ ସ୍କୁଲ ଜିଲିଂ, କୁମ୍ଭାରପଡା ନୂତନ ପ୍ରାଥମିକ ସ୍କୁଲ ଚିକିଲି, କଛାରପଡ଼ା ନୂତନ ପ୍ରଥମିକ ସ୍କୁଲ ଗଉଡଛେଣ୍ଡିଆ ଓ କୁସୁମଦର ନୂତନ ପ୍ରାଥମିକ ସ୍କୁଲ ବନ୍ଦ ହେବ ା ସେହିପରି ମ. ରାମପୁର ବ୍ଲକ୍ର ଶ୍ରୀଗୁନ ପ୍ରାଥମିକ ବିଦ୍ୟାଳୟ, ଭଞ୍ଜମୁଣ୍ଡା ନୂତନ ପ୍ରାଥମିକ ସ୍କୁଲ, ସରେଙ୍ଗପଡା ନୂତନ ପ୍ରାଥମିକ ସ୍କୁଲ ଓ ପଣ୍ଡକାମାଲ ପ୍ରାଥମିକ ସ୍କୁଲ ବନ୍ଦ ହେବ ା କୋକସରା ବ୍ଲକ୍ର ସିଆଲଲକିପଡା ନୂତନ ପ୍ରାଥମିକ ସ୍କୁଲ ଓ କରାଡଙ୍ଗରୀ ନୂତନ ପ୍ରାଥମିକ ସ୍କୁଲ ବନ୍ଦ ହେବା ା ସେହିପରି ଧର୍ମଗଡ ବ୍ଲକ୍ର ପୁରୁଣାପଡା ନୂତନ ପ୍ରାଥମିକ ସ୍କୁଲ, ଜୟପାଟଣା ବ୍ଲକ୍ ଖଲିଆପାଲି ନୂତନ ପ୍ରାଥମିକ ସ୍କୁଲ, କର୍ଲାମୁଣ୍ଡା ବ୍ଲକ୍ ଶାନ୍ତିନଗର ପଡା ନୂତନ ପ୍ରାଥମିକ ସ୍କୁଲ ଘଣ୍ଟଶୋଲା ଓ ନର୍ଲା ବ୍ଲକ୍ କାଲାରପଦର ପ୍ରାଥମିକ ସ୍କୁଲ ବନ୍ଦ ହେବ। ଏହି ସବୁ ବନ୍ଦ ହୋଇଥିବା ସ୍କୁଲର ଶିକ୍ଷକଙ୍କୁ ନିକଟସ୍ଥ କମ୍ ଶିକ୍ଷକ ଥିବା ସ୍କୁଲଗୁଡିକରେ ଅବସ୍ଥାପିତ କରାଯିବ ବୋଲି ଜିଲା ଶିକ୍ଷା ଅଧିକାରୀଙ୍କ କାର୍ଯ୍ୟଳୟ ସୂତ୍ରରୁ ଜଣାପଡ଼ିଛି ା
