କଲମପୁର,୧୦।୯(ଡି.ଏନ.ଏ.)
କଳାହାଣ୍ଡି ଜିଲା କଲମପୁର ବ୍ଲକ ଅନ୍ତର୍ଗତ ପଣ୍ଡିଗାଁ ଗ୍ରାମପଞ୍ଚାୟତ ପରିସରରେ ସୋମବାର ସବୁଜ ବନାନୀ ଚାରା ରୋପଣ କାର୍ଯ୍ୟକ୍ରମ ଅନୁଷ୍ଠିତ ହୋଇଯାଇଛି। ସରପଞ୍ଚ ବନାଜାବାସିନୀ ମହାପାତ୍ରଙ୍କ ଅଧ୍ୟକ୍ଷତା ଓ ବିଜୁ ଯୁବବାହିନୀ ସହଯୋଗରେ ଆୟୋଜିତ ଏହି କାର୍ଯ୍ୟକ୍ରମକୁ କଲମପୁର ଅତିରିକ୍ତ ତହସିଲଦାର ଶବିର ସାହା ଏବଂ ଥୁଆମୂଳ ରାମପୁର ଦକ୍ଷିଣ ବନଞ୍ଚଳ ବନପାଳ ଭୁବନେଶ୍ୱର ବେହେରା ଉଦ୍ଘାଟନ କରି ବୃକ୍ଷର ଉପକାରିତା ଓ ବର୍ତ୍ତମାନସ୍ଥିତି ଉପରେ ଉଦ୍ବୋଧନ ଦେଇଥିଲେ। ଏହି ଅବସରରେ ପଞ୍ଚାୟତ କାର୍ଯ୍ୟନିର୍ବାହୀ ଅଧିକାରୀ ସୁଶାନ୍ତ କୁମାର ବାଣୁଆଁ, ନାଏବ ସରପଞ୍ଚ ସୁରେନ୍ଦ୍ର ପୂଝାରୀ ଓ ସମସ୍ତ ଗ୍ରାମପଞ୍ଚାୟତ ୱାର୍ଡ ସଭ୍ୟାସଭ୍ୟ ଓ ବିଭିନ୍ନ ମହିଳା ସ୍ବୟଂ ସହାୟକ ଗୋଷ୍ଠୀ, ଗ୍ରାମପଞ୍ଚାୟତ ରୋଜଗାର ସେବକ ପାର୍ଥ ସାରଥି ସାହୁ, ଯୋଗାଣ ସହାୟକ ରମେଶ ବାଗ, ସାମାଜିକ କର୍ମୀ ପ୍ରଶାନ୍ତ ମାଝି, କଲମପୁର ରାଜସ୍ବ ନୀରିକ୍ଷକ ଗୋବିନ୍ଦ ଚନ୍ଦ୍ର ପୁରୋହିତ, କଲମପୁର ବ୍ଲକ ବିଜୁ ଯୁବ ବାହୀନି ସଂଯୋଜକ ମନୋଜ କୁମାର ନାଏକ ତଥା ବିଜୁ ଯୁବ ବାହିନୀ କର୍ମକର୍ତ୍ତା ଏବଂ ଗ୍ରାମ ଶତାଧିକ ଲୋକ ମିଶି ଚାରା ରୋପଣ କାର୍ଯ୍ୟକ୍ରମରେ ସହଯୋଗ କରିଥିଲେ। ଏହି ଅବସରରେ ପଣ୍ଡିଗାଁ ନର୍ସରିରେ ବିଭିନ୍ନ ଉପକାରୀ ୨ ଶହ ଚାରା ରୋପଣ କରାଯାଇଥିଲା।