ରାମପୁର,୨୬।୨: ସମାଜବାଦୀ ପାର୍ଟି (ଏସ୍ପି)ର ଏମ୍ପି ଆଜମ ଖାଁ ତାଙ୍କ ପତ୍ନୀ ତଞ୍ଜୀନ ଫାତିମ ଓ ପୁଅ ଅବଦୁଲ୍ଲାହ ଆଜମ ଖାଁଙ୍କୁ ଜେଲ୍। ବୁଧବାର ରାମପୁରର ଏଡିଜେ-୬ କୋର୍ଟ ମାର୍ଚ୍ଚ ୨ ପର୍ଯ୍ୟନ୍ତ ସେମାନଙ୍କୁ ନ୍ୟାୟିକ ହାଜତକୁ ପଠାଇବା ପାଇଁ ନିର୍ଦ୍ଦେଶ ଦେଇଛନ୍ତି। ଏଥିସହ ଏହି ମାମଲାର ଆଗାମି ଶୁଣାଣି ମାର୍ଚ୍ଚ ୨ରେ କରାଯିବ। ସୂଚନାଯୋଗ୍ୟ, ଜାଲ ଜନ୍ମ ପ୍ରମାଣପତ୍ର ଦେବା ଅଭିଯୋଗରେ ଆଜମ ତାଙ୍କ ପତ୍ନୀ ଓ ପୁଅଙ୍କୁ ହାଜର ହେବାକୁ କୋର୍ଟ ନିର୍ଦ୍ଦେଶ ଦେଇଥିଲେ। ପୂର୍ବରୁ ସେମାନଙ୍କ ବିରୋଧରେ ଜାମିନ ବିହୀନ ଗିରଫ ପରଓ୍ବାନା ଜାରି ମଧ୍ୟ ହୋଇଛି। ଏଥିସହ କୋର୍ଟରେ ହାଜର ହେବାକୁ ବାରମ୍ବାର ନୋଟିସ୍ ହେବା ସତ୍ତ୍ୱେ ମଧ୍ୟ ଆଜମ, ତଞ୍ଜୀନ ଓ ଅବଦୁଲ୍ଲାହ ହାଜର ହୋଇ ନ ଥିଲେ। ତେବେ ବୁଧବାର ହାଜର ହେବା ପରେ କୋର୍ଟ ଏହି ମାଲାର ଶୁଣାଣି କରି ଏଭଳି ରାୟ ଶୁଣାଇଛନ୍ତି।