ବାଲେଶ୍ୱର ଅଫିସ,୨୦।୨-ବାଲେଶ୍ୱର ସହର ବାଲିଆ ବୃନ୍ଦାବତୀ ବିହାରସ୍ଥିତ ସରସ୍ବତୀ ଶିଶୁ ବିଦ୍ୟାମନ୍ଦିରରେ ଭାରତ ସରକାରଙ୍କ ନିର୍ଦ୍ଦେଶକ୍ରମେ ‘ବିଶ୍ୱ ମାତୃଭାଷା ଦିବସ’ ଗୁରୁବାର ପାଳିତ ହୋଇଯାଇଛି। ପ୍ରତିବର୍ଷ ଫେବୃୟାରୀ ୨୧ ତାରିଖକୁ ବିଶ୍ୱ ମାତୃଭାଷା ଦିବସ ରୂପେ ପାଳନ କରାଯାଏ। ମାତ୍ର ଚଳିତବର୍ଷ ୨୧ ତାରିଖ ସରକାରୀ ଛୁଟିଦିନ ପଡୁଥିବାରୁ ଆଜିର ଦିନଟିକୁ ପାଳନ କରାଯିବା ପାଇଁ ନିଷ୍ପତ୍ତି ନିଆଯାଇଥିଲା।
ବିଦ୍ୟାଳୟର ଶିଶୁ ଭଉଣୀଭାଇମାନେ ଏକ ଶୋଭାଯାତ୍ରାରେ ବାହାରି ମାତୃଭାଷାର ବ୍ୟବହାର ପ୍ରତି ସମସ୍ତଙ୍କୁ ଉତ୍ସାହିତ କରିବା ପାଇଁ ବିଭିନ୍ନ ସ୍ଲୋଗାନ ଦେଇଥିଲେ। ରାମେଶ୍ୱର ମନ୍ଦିର ପରିସର ନିକଟରେ ମାତୃଭାଷାର ସୁରକ୍ଷା ବିଷୟ ନେଇ ଏକ ପଥପ୍ରାନ୍ତ ନାଟକ ମାଧ୍ୟମରେ ଜନସଚେତନତା ସୃଷ୍ଟି କରିଥିଲେ। ବିଦ୍ୟାଳୟ ପରିଚାଳନା ସମିତିର ଉପଦେଷ୍ଟା ତଥା ବାଲେଶ୍ୱର ସଙ୍କୁଳ ପ୍ରମୁଖ ଉପେନ୍ଦ୍ର ନାଥ ପାତ୍ର, ପରିଚାଳନା ସମିତିର ସଭାପତି କାଞ୍ଚନବାଳା ପାତ୍ର, ପ୍ରଧାନଆଚାର୍ଯ୍ୟ ସୁଧୀର କୁମାର ମହାନ୍ତ, ସହ ପ୍ରଧାନଆଚାର୍ଯ୍ୟା ନୀଳିମା ଦେ, ଦିବା ପର୍ଯ୍ୟାୟ ପ୍ରମୁଖା ଆଚାର୍ଯ୍ୟା କଳ୍ପଲତା ହାଜରା, ପ୍ରାତଃ ପର୍ଯ୍ୟାୟ ପ୍ରମୁଖା ସୁଶ୍ରୀ ସୁନିତା ମାଇତି, ଆଚାର୍ଯ୍ୟ ସୁକୁମାର ହାଜରା, ଆଚାର୍ଯ୍ୟ ଧୀରେନ୍ଦ୍ର ଜେନା, ଆଚାର୍ଯ୍ୟ ମାନସ କୁମାର ମଲ୍ଲିକ ପ୍ରମୁଖ ଉପସ୍ଥିତ ଥିଲେ। ବିଦ୍ୟାଳୟରେ ପ୍ରାତଃ ପର୍ଯ୍ୟାୟଠାରୁ ଦିବା ପର୍ଯ୍ୟାୟର ସ୍ବତନ୍ତ୍ର, ଶିଶୁ, ବାଲ୍, କିଶୋର ବର୍ଗର ଶିଶୁ ଭଉଣୀଭାଇମାନଙ୍କ ମଧ୍ୟରେ ସୁଲିଖନ, ପ୍ରବନ୍ଧ, ସାଧାରଣବିଜ୍ଞାନ ଓ ବକ୍ତୃତା ପ୍ରତିଯୋଗିତା ଆୟୋଜନ କରାଯାଇ କୃତୀ ପ୍ରତିଯୋଗୀଙ୍କୁ ପ୍ରମାଣପତ୍ର ସହ ପୁରସ୍କୃତ କରାଯାଇଥିଲା। ମାତୃଭାଷା ମାଧ୍ୟମରେ ପିଲାମାନଙ୍କର ସର୍ବାଙ୍ଗୀନ ବିକାଶ କରିବା ଲକ୍ଷ୍ୟ ନେଇ ବିଦ୍ୟାଳୟର ମାତୃଭାଷା ପ୍ରମୁଖ ତାନଶ୍ରୀ ପାଣିଗ୍ରାହୀ କାର୍ଯ୍ୟକ୍ରମକୁ ପରିଚାଳନା କରିଥିଲେ। ବିଦ୍ୟାଳୟର ଆଚାର୍ଯ୍ୟା ଶଶୀକଳା ପରିଡ଼ା, ଆଚାର୍ଯ୍ୟ ପଞ୍ଚାନନ ଦାଶ, ଆଚାର୍ଯ୍ୟ ଶଶୀକାନ୍ତ ସାହୁ ଓ ଅନ୍ୟାନ୍ୟ ସମସ୍ତ ଗୁରୁମାଗୁରୁଜୀ, ଅପା, ଭାଇ ସମ୍ପୂର୍ଣ୍ଣ ସହଯୋଗ କରିଥିଲେ।