ନୂଆଦିଲ୍ଲୀ,୨।୮(ପିଟି)- ରାଜ୍ୟଗୋଷ୍ଠୀ କ୍ରୀଡ଼ା ସ୍ବର୍ଣ୍ଣ ପଦକଧାରୀ ଗୌରବ ସୋଲାଙ୍କି ଓ ଇଣ୍ଡିଆନ ଓପନ୍ ରୌପ୍ୟ ପଦକ ବିଜେତା ଗୋବିନ୍ଦ ସାହାଣି ରୁଷିଆର କାସପିୟସ୍କଠାରେ ଚାଲିଥିବା ମାଗମେଦ ସଲାମ ଉମାଖାନୋଭ ମେମୋରିଆଲ ଇଣ୍ଟରନ୍ୟାଶନାଲ ବକ୍ସିଂ ଟୁର୍ନାମେଣ୍ଟର ସେମିଫାଇନାଲରେ ପ୍ରବେଶ କରି ପଦକ ନିଶ୍ଚିତ କରିଛନ୍ତି। ୫୬ କିଗ୍ରା ବର୍ଗରେ ଗୌରବ ୩-୨ ବ୍ୟବଧାନରେ ସ୍ଥାନୀୟ ବକ୍ସର ମାକ୍ସିମ ଚେର୍ନିଶେଭଙ୍କୁ ହରାଇ ଦେଇଛନ୍ତି। ସେହିଭଳି ଗୋବିନ୍ଦ ୪୯ କିଗ୍ରା ବର୍ଗରେ ତାଜିକସ୍ତାନ ଶେର୍ମୁଖାମ୍ମଦ ରୁସ୍ତାମୋଭଙ୍କୁ ପରାସ୍ତ କରି ଅନ୍ତିମ ୪ ରାଉଣ୍ଡରେ ସ୍ଥାନ ପାଇଛନ୍ତି। ଅନ୍ୟପକ୍ଷରେ ଆଶିଷ ଇନ୍ସା (୫୨ କିଗ୍ରା) କ୍ୱାର୍ଟର ଫାଇନାଲରେ ପରାସ୍ତ ହୋଇଛନ୍ତି। ଏହି ଟୁର୍ନାମେଣ୍ଟରେ ଭାରତ ମୋଟ ପଦକ ନିଶ୍ଚିତ କରିସାରିଛି।
