ମୁମ୍ବାଇ: ପରଦାରେ ସୁଶାନ୍ତ ସିଂ ରାଜପୁତ ଏବଂ ଶ୍ରଦ୍ଧା କପୁର ଅଭିନୀତ ଫିଲ୍ମ ‘ଛିଛୋରେ’। ଆମିର ଖାନ୍ଙ୍କ ‘ଥ୍ରି ଇଡିଅଟ୍ସ’ ଭଳି ଏଥିରେ ରହିଛି କଲେଜ ଦିନର ଛାପ। ନୀତେଶ ତିଓ୍ବାରୀଙ୍କ ନିର୍ଦ୍ଦେଶନାରେ ନିର୍ମିତ ଏହି ଚଳଚ୍ଚିତ୍ର ଦର୍ଶକଙ୍କୁ ବେଶ ପସନ୍ଦ ଆସିଛି। ଫିଲ୍ମରେ ସୁଶାନ୍ତଙ୍କ କାମକୁ ବେଶ ପସନ୍ଦ କରାଯାଉଛି। ସେହିଭଳି ଶ୍ରଦ୍ଧାଙ୍କ ଅଭିନୟ ମଧ୍ୟ କୌଣସି ଗୁଣରେ କମ୍ ନୁହେଁ ବୋଲି କୁହାଯାଉଛି। ଫିଲ୍ମରେ ସୁଶାନ୍ତ-ଶ୍ରଦ୍ଧାଙ୍କ ଛଡ଼ା ବରୁଣ ଶର୍ମା, ପ୍ରତୀକ ବବ୍ବର, ତାହିର ରାଜ ଭାସିନ୍ ଏବଂ ନବୀନ ପୋଲିସେଟ୍ଟୀଙ୍କୁ ଦେଖିବାକୁ ମିଳୁଛି। ଏହା ସ୍କୁଲ ଓ କଲେଜ ସମୟ ମନେ ପକାଉଛି। ଦର୍ଶକଙ୍କୁ ଫିଲ୍ମଟି ପସନ୍ଦ ଆସୁଥିବାରୁ ଆଗାମୀ ଦିନରେ ଏହା ହିଟ୍ ସାବ୍ୟସ୍ତ ହେବା ସହ ଭଲ ବ୍ୟବସାୟ କରିବ ବୋଲି କୁହାଯାଉଛି।