ମୁମ୍ବାଇ,୨୭।୫: ବଲିଉଡ୍ ଦୁନିଆର ଭେଟେରାନ୍ ଆକ୍ସନ୍ କୋରିଓଗ୍ରାଫର ଭିରୁ ଦେବଗନଙ୍କ ସୋମବାର ପରଲୋକ ହୋଇଛି। ସୋମବାର ସେ ଛାତିରେ ଯନ୍ତ୍ରଣା ଅନୁଭବ କରିବାରୁ ତାଙ୍କୁ ମୁମ୍ବାଇ ଶାନ୍ତାକ୍ରୁଜର ସୂର୍ଯ୍ୟ ହସ୍ପିଟାଲରେ ଭର୍ତ୍ତି କରାଯାଇଥିଲା। ତେବେ ହୃଦଘାତ ଯୋଗୁଁ ସେ ପ୍ରାଣ ହରାଇଥିବା କୁହାଯାଉଛି। ବଲିଉଡ୍ ନାୟକ ଅଜୟ ଦେଗନଙ୍କ ପିତା ହେଉଛନ୍ତି ଭିରୁ ଦେବଗନ। ବଲିଉଡ୍ର ପାଖାପାଖି ୮୦ ଟି ଫିଲ୍ମରେ ସେ ଆକ୍ସନ୍ କୋରିଓଗ୍ରାଫି କରିଛନ୍ତି। ଏହା ବ୍ୟତୀତ ୧୯୯୯ରେ ସେ ‘ହିନ୍ଦୁସ୍ତାନ କି କସମ’ ଫିଲ୍ମର ନିର୍ଦ୍ଦେଶନା ମଧ୍ୟ ଦେଇଥିଲେ। ସେ ‘ଆଜ୍କା ଅର୍ଜୁନ’, ‘ବିଜୟ ପଥ’, ‘ଦିଲ୍ଜଲେ’, ‘ଏକ ହି ରାସ୍ତା’, ’ପ୍ରେମ ରୋଗ’ ଭଳି ଫିଲ୍ମରେ ଷ୍ଟଣ୍ଟ ସିନ୍ର କୋରିଓଗ୍ରାଫି କରିଥିଲେ। କୋରିଓଗ୍ରାଫି ବ୍ୟତିତ ସେ ଅଭିନୟ, ପ୍ରଯୋଜନା ଓ ସହ ନିର୍ଦ୍ଦେଶକ ଭାବେ ବି ବଲିଉଡ୍ରେ କାମ କରିଛନ୍ତି।
