ଲକ୍ଷ୍ନୌ,୩ା୬(ଆଇଏଏନ୍ଏସ୍): ଲୋକ ସଭା ନିର୍ବାଚନରେ ନୈରାଶ୍ୟଜନକ ପ୍ରଦର୍ଶନ ପରେ ବିଏସ୍ପି ସୁପ୍ରିମୋ ମାୟାବତୀ ୬ ରାଜ୍ୟର ନିର୍ବାଚନ ସଂଯୋଜକ ଏବଂ ଦୁଇ ରାଜ୍ୟର ବିଏସ୍ପି ସଭାପତିଙ୍କୁ ବିଦା କରିଛନ୍ତି। ଉତ୍ତରାଖଣ୍ଡ, ବିହାର, ଝାଡଖଣ୍ଡ, ରାଜସ୍ଥାନ, ଗୁଜରାଟ ଏବଂ ଓଡିଶାର ବିଏସ୍ପି ସଂଯୋଜକଙ୍କୁ ବହିଷ୍କାର କରାଯାଇଛି। ସେହିପରି ଦିଲ୍ଲୀ ଓ ମଧ୍ୟପ୍ରଦେଶର ରାଜ୍ୟ ବିଏସ୍ପି ସଭାପତିଙ୍କୁ ବିଦା କରାଯାଇଛି। ଏହି ଦୁଇ ରାଜ୍ୟରେ ବିଏସ୍ପି ଗୋଟିଏ ହେଲେ ଆସନ ଜିତିନାହିଁ। ନିର୍ବାଚନ ଫଳାଫଳକୁ ନେଇ ଅସନ୍ତୁଷ୍ଟ ଥିବା ମାୟାବତୀ ସୋମବାର ବିଭିନ୍ନ ରାଜ୍ୟର ଦଳୀୟ କାର୍ଯ୍ୟକର୍ତ୍ତାମାନଙ୍କ ବୈଠକ ଡାକିଛନ୍ତି।