ନୂଆଦିଲ୍ଲୀ,୨୯।୮: ଜମ୍ମୁ-କଶ୍ମୀର ଭାଇଙ୍କ ନିମନ୍ତେ ପାକିସ୍ତାନ ବାସୀଙ୍କ ସହ ଏକତା ଦେଖାଇବା ପାଇଁ ଲାଇନ ଅଫ୍ କଣ୍ଟ୍ରୋଲ (ଏଲ୍ଓସି) ଗସ୍ତ କରିବା ପାଇଁ ପୂର୍ବତନ କ୍ରିକେଟର ଶାହିଦ ଆଫ୍ରିଦୀ ମନ୍ତବ୍ୟ ଦେଇଥିଲେ। ଏହାକୁ ଆଫ୍ରିଦୀ ଓ ପୂର୍ବତନ ଭାରତୀୟ ଓପନର ତଥା ଭାଜପା ଏମ୍ପି ଗୌତମ ଗମ୍ଭୀର ଟୁଇଟରରେ ମୁହଁାମୁହିଁ ହୋଇଛନ୍ତି। ଉକ୍ତ ଟୁଇଟ୍ର ଜବାବ ଦେଇ ଗମ୍ଭୀର ଦୁଇ ଜଣଙ୍କ ପଡ଼ିଆରେ ମୁହଁାମୁହିଁ ହେବାବେଳର ଏକ ଫଟୋ ଅପଲୋଡ୍ କରି ଲେଖିଛନ୍ତି, ଏହି ଫଟୋରେ ଆଫ୍ରିଦୀ ନିଜକୁ ଲଜ୍ଜିତ କରିବା ପାଇଁ ଆଉ କ’ଣ କରିବା ଉଚିତ ବୋଲି ପ୍ରଶ୍ନ କରୁଛନ୍ତି। ଏହା ପ୍ରମାଣ କରିଦେଲା ଯେ, ଆଫ୍ରିଦୀ କଦାପି ପରିପକ୍ୱ ହୋଇପାରିବେ ନାହିଁ। ମୁଁ ସହାୟତା ପାଇଁ ଅନ୍ଲାଇନ କିଣ୍ଡରଗାର୍ଟନ ଅର୍ଡର କରିଛି। ଏହାର ଜବାବ ଦେଇଛନ୍ତି ପୂର୍ବତନ ପାକିସ୍ତାନ ଅଧିନାୟକ। ମାନସିକ ସ୍ଥିତି ସମ୍ପର୍କିତ କୋଚ ପ୍ୟାଡି ଅପଟନ ତାଙ୍କ ଅଟୋବାୟୋଗ୍ରାଫିରେ ଗମ୍ଭୀରଙ୍କ ମାନସିକତା ସ୍ଥିର ନୁହେଁ ଓ ସର୍ବଦା ନେଗେଟିଭ ଚିନ୍ତା କରନ୍ତି ବୋଲି ଲେଖିଥିବା ଆଫ୍ରିଦୀ କମେଣ୍ଟ କରିଛନ୍ତି। ଆଫ୍ରିଦୀ ଓ ଗମ୍ଭୀରଙ୍କ ମଧ୍ୟରେ ପଡ଼ିଆ ଭିତରେ ଓ ବାହାରେ ମଧ୍ୟ ବହୁ ଥର ମୁହଁାମୁହିଁ ହୋଇଛନ୍ତି।