ଅନୁଗୋଳ ଅଫିସ,୨୭।୯: ଅନୁଗୋଳ ଜିଲା ପରିବହନ କାର୍ଯ୍ୟାଳୟ ଓ ଜିଲା ମୁଖ୍ୟ ଚିକିତ୍ସାଳୟରୁ ମୋଟ ୭ ଜଣ ଦଲାଲଙ୍କୁ ଅନୁଗୋଳ ପୋଲିସ ଶୁକ୍ରବାର ଗିରଫ କରିଛି। ମେଡିକାଲର ୪ ଦଲାଲ ଗରିବ ଲୋକଙ୍କୁ ଶୋଷଣ କରିବା ସହ ଡାକ୍ତରମାନଙ୍କୁ ବିଭିନ୍ନ ସମୟରେ ଧମକ ଦେଇ ବଟି ଆଦାୟ କରୁଥିବା ଅଭିଯୋଗରେ ଗିରଫ କରାଯାଇଥିବା ପୋଲିସ ପକ୍ଷରୁ କୁହାଯାଇଛି। ଯୁବଶକ୍ତି ସଙ୍ଗଠନ କରି ବ୍ରହ୍ମଜ୍ୟୋତି ମିଶ୍ର, ପର୍ଶୁରାମ ଦାସ, ଦୀଲିପ ଦେଓ ଓ ସୀତାଂଶୁ ନାଏକଙ୍କ ବିରୋଧରେ ୭୬୨/୧୯ରେ ମାମଲା ରୁଜୁ କରାଯାଇ ଗିରଫ କରାଯାଇଛି।
ସେହିପରି ପରିବହନ କାର୍ଯ୍ୟାଳୟରେ ଦଲାଲି କରୁଥିବା ଦିବାକର ପତି, ସୁଦାମ ରାଉତ, ଶ୍ରୀଧର ସାହୁଙ୍କୁ ପୋଲିସ ୭୬୩/୧୯ରେ ମାମଲା ରୁଜୁ କରି ଗିରଫ କରିଥିବା ଅନୁଗୋଳ ପୋଲିସ ପକ୍ଷରୁ ସୂଚନା ମିଳିଛି।
