ଖଣ୍ଡପଡା,୧୮।୬(ସ୍ବ.ପ୍ର.)-ମାନବ ସମାଜ ସହିତ ସମଗ୍ର ଜୀବ ଜଗତର ସ୍ଥିତି ରକ୍ଷା ନିମନ୍ତେ ପରିବେଶ ସୁରକ୍ଷା ଜରୁରୀ ଅଟେ । ସାମ୍ପ୍ରତିକ ପରିସ୍ଥିତିରେ ବୃକ୍ଷ, ଜଙ୍ଗଲ ତଥା ପରିବେଶର ଦ୍ରୁତ ଅବକ୍ଷୟ ମାନବ ସମାଜ ସହିତ ପଶୁପକ୍ଷୀ, ନାନାଦି କୀଟପତଙ୍ଗ ଆଦିଙ୍କ ପାଇଁ ବିନାଶର ଭୟଙ୍କର ସୂଚନା ଦେଲାଣି । ପରିବେଶ ଅବକ୍ଷୟ ଯୋଗୁ ମରୁଡିସ୍ଥିତି ସୃଷ୍ଟି ହେବାର ସତର୍କ ଘଣ୍ଟି ଦେଲାଣି ା ଏହାର ନିରାକରଣ ପାଇଁ ସମାଜର ପ୍ରତ୍ୟେକ ସ୍ତରରୁ ସଫଳ ଉଦ୍ୟମ ହେବା ଜରୁରୀ ହୋଇ ପଡିଛି ବୋଲି ସୋମବାର କଣ୍ଟିଲୋ ନୀଳମାଧବ ମହାବିଦ୍ୟାଳୟ ସମ୍ମିଳନୀ କକ୍ଷରେ ଆୟୋଜିତ ଜିଲା ସ୍ତରୀୟ ବିଶ୍ୱ ମରୁଭୂମି ଓ ମରୁଡି ନିରାକରଣ ଦିବସ ସଚେତନତା ଶିବିରରେ ମୁଖ୍ୟ ଅତିଥି ଭାବେ ଯୋଗଦେଇ ନୟାଗଡ ବନଖଣ୍ଡ ଅଧିକାରୀ ଧନରାଜ ହନୁମନ୍ତ ମତବ୍ୟକ୍ତ କରିଛନ୍ତି।
ତାରିଖ ସାରା ବିଶ୍ୱରେ ବିଶ୍ୱ ମରୁଭୂମି ଓ ମରୁଡି ନିରାକରଣ ଦିବସ ପାଳନ କରାଯାଉଛି । ସ୍ଥାନୀୟ ନୀଳମାଧବ ମହାବିଦ୍ୟାଳୟରେ ନୟାଗଡ ବନଖଣ୍ଡ ପକ୍ଷରୁ ତଥା କଲେଜ ଏନସିସି ଓ ଏନଏସଏସ ସହଯୋଗରେ ଆୟୋଜିତ ସଚେତନତା ଶିବିରରେ ଅଧ୍ୟକ୍ଷ ସୁକାନ୍ତ କୁମାର ନାୟକ ସଭାପତିତ୍ୱ କରିଥିଲେ। ଅନ୍ୟତମ ଅତିଥି ଭାବେ ଅଧ୍ୟାପକ ଅଶୋକ କୁମାର ମହାରଣା, ହୃଷିକେଶ ମିଶ୍ର, ପ୍ରଭାକର ଶିରୋମଣୀ ଯୋଗଦେଇ ପରିବେଶର ଅବକ୍ଷୟ ଯୋଗୁ ଜଳବାୟୁ ଓ ଜଳଚକ୍ରର ପରିବର୍ତ୍ତନ ଆଗାମୀ ଭବିଷ୍ୟତ ପାଇଁ ବିପଦପୂର୍ଣ୍ଣ ବୋଲି ମତବ୍ୟକ୍ତ କରିଥିଲେ । ଏସବୁର ନିରାକରଣ ପାଇଁ ବୃକ୍ଷ ରୋପଣ ତଥା ନୂତନ ଜଙ୍ଗଲ ସୃଷ୍ଟିର ଆବଶ୍ୟକତା ଉପରେ ଗୁରୁତ୍ୱାରୋପ କରିଥିଲେ। ଏହି ପରିପ୍ରେକ୍ଷୀରେ ଆମେ ସମସ୍ତେ ମାନସିକ ସ୍ତରରେ ପ୍ରସ୍ତୁତ ହୋଇ ଜଣେ ଜଣେ ଗୋଟିଏ ଲେଖାଏ ଗଛ ଲଗାଇ ସେଗୁଡିକୁ ବଞ୍ଚାଇ ପାରିଲେ ଆମେ ବଞ୍ଚତ୍ବା ପାରିବା ବୋଲି ଅତିଥିମାନେ ପ୍ରକାଶ କରିଥିଲେ। କାର୍ଯ୍ୟକ୍ରମକୁ ବନାଞ୍ଚଳ ଅଧିକାରୀ ଶ୍ରୀଧର ପଣ୍ଡା ସଞ୍ଜୋଜନା କରିଥିବା ବେଳେ ଯୁବ ରେଡକ୍ରସର କାଉନସିଲର ଅଧ୍ୟାପକ ମାନଗୋବିନ୍ଦ ରାଉତ ଧନ୍ୟବାଦ ଦେଇଥିଲେ। ପରେ କଲେଜ ପରିସରରେ ବନ ବିଭାଗ ପକ୍ଷରୁ ଯୋଗଇ ଦିଆ ଯାଇଥିବା ବିଭିନ୍ନ ଚାରାକୁ ଅତିଥିଙ୍କ ସେ ମତ ଛାତ୍ରୀଛାତ୍ରମାନେ ରୋପଣ କରିଥିଲେ। ଉକ୍ତ ଶିବିରରେ ଜିଲାର ବିଭିନ୍ନ ବନାଞ୍ଚଳର ସମସ୍ତ କର୍ମଚାରୀ, ଗ୍ରାମ୍ୟ ଜଙ୍ଗଲ ସୁରକ୍ଷା କମିଟିର ସଦସ୍ୟ ଯୋଗଦେଇ କାର୍ଯ୍ୟକ୍ରମରେ ସହଯୋଗ କରିଥିଲେ ।