ପୋର୍ଟୋ,୧୦।୬- କ୍ରିଷ୍ଟିଆନୋ ରୋନାଲ୍ଡୋଙ୍କ ପର୍ତ୍ତୁଗାଲ ଦଳ ନେଶନ୍ସ ଲିଗ୍ ଉଦ୍ଘାଟନୀ ସଂସ୍କରଣରେ ଚାମ୍ପିୟନ ହୋଇଛି। ଫାଇନାଲରେ ପର୍ତ୍ତୁଗାଲ ୧-୦ ଗୋଲରେ ନେଦରଲାଣ୍ଡକୁ ହରାଇ ଦେଇଛି। ମ୍ୟାଚ୍ରେ ବିଜୟୀ ଦଳ ପକ୍ଷରୁ ଗୋଙ୍କାଲୋ ଗେଦେସ (୬୦ତମ ମିନିଟ୍) ଗୋଲ ଦେଇଥିଲେ। ମ୍ୟାଚ୍ ପରେ ରୋନାଲ୍ଡୋ କହିଛନ୍ତି, ଭଗବାନଙ୍କ ଦୟାରୁ ପର୍ତ୍ତୁଗାଲ ପାଇଁ ସବୁକିଛି ଠିକ୍ ହୋଇଛି। ୨୦୧୬ ୟୁରୋକପ୍ ପରେ ଆମ ଜାତୀୟ ଦଳ ନେଶନ୍ସ ଲିଗ୍ ଭଳି ଗୁରୁତ୍ୱପୂର୍ଣ୍ଣ ଟାଇଟଲ ଜିତିବାରେ ସଫଳ ହୋଇଛି। ଏଥିନେଇ ଦଳର ପ୍ରତ୍ୟେକ ଖେଳାଳିଙ୍କୁ ଶୁଭେଚ୍ଛା।