ଲିସବନ,୧୩।୫(ଏଏଫ୍ପି): କୋଭିଡ-୧୯ ମହାମାରୀ କାରଣରୁ ସ୍ଥଗିତ ରହିଥିବା ପର୍ତ୍ତୁଗାଲର ଫୁଟବଲ୍ ସେସନ ପୁଣି ଆରମ୍ଭ ହେବାକୁ ଯାଉଛି। ଜୁନା ୪ରୁ ପ୍ରିମିରା ଲିଗ୍ ଆରମ୍ଭ ହେବ ବୋଲି ଦେଶର ଫୁଟବଲ ଲିଗ୍ ଘୋଷଣା କରିଛି। ଷ୍ଟାଡିୟମର ପରୀକ୍ଷା ପୁଙ୍ଖାନୁପୁଙ୍ଖ ଭାବେ କରାଯିବ ଓ ପେସାଦାର ବ୍ୟକ୍ତିଙ୍କ ପରୀକ୍ଷା କଡ଼ାକଡି କରାଯିବ। ମେ ମାସ ଶେଷ ଆଡକୁ ଫୁଟବଲ ଖେଳ ପୁଣି ଆରମ୍ଭ ହେବ ବୋଲି ପର୍ତ୍ତୁଗାଲ ପ୍ରଧାନମନ୍ତ୍ରୀ ଆଣ୍ଟୋନିଓ କୋଷ୍ଟା ଘୋଷଣା କରିଛନ୍ତି।
ଗତ ମାର୍ଚ୍ଚ ୧୨ ତାରିଖରେ ଫୁଟବଲ ସେସନର ଅନ୍ତିମ ୧୦ ରାଉଣ୍ଡକୁ ସ୍ଥଗିତ ରଖିବାକୁ ପର୍ତ୍ତୁଗାଲ ସରକାର ନିଷ୍ପତ୍ତି ନେଇଥିଲା। କଡ଼ା ମେଡିକାଲ ପ୍ରେଟୋକଲକୁ ଦୃଷ୍ଟିରେ ରଖି ଫୁଟବଲକୁ ପୁଣି ଆରମ୍ଭ କରିବାକୁ ନିଷ୍ପତ୍ତି ନିଆଯାଇଛି।
ଗୋଟିଏ ସପ୍ତାହରେ ଖେଳାଳିମାନଙ୍କର କରୋନା ଭାଇରସ୍ ପରୀକ୍ଷା ଦୁଇଥର କରାଯିବ। ମ୍ୟାଚ୍ଗୁଡିକ ଅଳ୍ପ ସଂଖ୍ୟାକ ଷ୍ଟାଡିୟମରେ ଆୟୋଜନ ହେବ। ମିଡ୍ଫିଲ୍ଡର ଡେଭିଡ ତାଭାରେଜ୍ କୋଭିଡ-୧୯ ଟେଷ୍ଟରେ ପଜିଟିଭ ବୋଲି ବେନିଫିକା ଘୋଷଣା କରିବାର ଗୋଟିଏ ଦିନ ପରେ ଲିଗ୍ ଏପରି ଘୋଷଣା କରିଛି। ପ୍ରିମିରା ଲିଗାରେ ମୋଟ ପଜିଟିଭ୍ ସଂଖ୍ୟା ୮କୁ ବୃଦ୍ଧି ପାଇଛି। ଏହି ଲିଗ୍ରେ ପୋର୍ଟୋ ପଏଣ୍ଟ ତାଲିକାର ଶୀର୍ଷରେ ରହିଛି। ପୋର୍ଟଠାରୁ ଗୋଟିଏ ପଏଣ୍ଟ କମ୍ ପାଇ ଗତ ସଂସ୍କରଣର ଚାମ୍ପିୟନ ବେନ୍ଫିକା ଦ୍ୱିତୀୟ ଓ ବ୍ରାଗା ତୃତୀୟ ଓ ସ୍ପୋର୍ଟିଂ ଲିସ୍ବନ୍ ଚତୁର୍ଥ ସ୍ଥାନରେ ରହିଛି। ପୋର୍ଟୋ ୬୦, ବେନ୍ପିକା ୫୯, ବ୍ରାଗା ୪୬ ଓ ସ୍କୋର୍ଟିଂ ଲିସବନ୍ ୪୨ ପଏଣ୍ଟ ହାସଲ କରିଛି।