ବ୍ରହ୍ମଗିରି, ୨୦।୧(ଡି.ଏନ୍.ଏ.): ପୁରୀ ଜିଲା କଣାସ ବ୍ଲକ ଅନ୍ତର୍ଗତ କରମଳାସ୍ଥିତ ଅଭିରାମ ପରମହଂସ ଆଶ୍ରମ ନିକଟରେ ସୋମବାର ୨ ଜଣ ମହିଳା ପର୍ଯ୍ୟଟକଙ୍କୁ ବସ୍ ଚାପି ଦେବାରୁ ଜଣଙ୍କର ମୃତ୍ୟୁ ଘଟିଥିବା ବେଳେ ଜଣେ ଗୁରୁତର ହୋଇଛନ୍ତି। ମୃତକଙ୍କ ପରିଚୟ ଜଣାପଡ଼ି ନାହିଁ। ଗୁରୁତର ଜଣକ ହେଲେ ନୟନା ସାହୁ ।
ସୂଚନାଯୋଗ୍ୟ, କେନ୍ଦ୍ରାପଡ଼ା ଜିଲା ରଣଡ଼ିହାରୁ ପର୍ଯ୍ୟଟକଙ୍କୁ ଧରି ଏକ ବସ୍ (ଓଡି-୦୫-ଏଆର୍-୧୮୧୪) ପରମହଂସ ଆଶ୍ରମ ଆସିଥିଲା। ସେଠାରେ ଯାତ୍ରୀମାନେ ଓହ୍ଲାଇ ବସ୍ ପଛପଟେ ବସିଥିଲେ। ଡ୍ରାଇଭର ଏହା ଜାଣି ନ ପାରି ଗାଡ଼ିଟିକୁ ପଛକୁ ନେବା ସମୟରେ ଚାପିହୋଇ ଜଣେ ମହିଳାଙ୍କ ଘଟଣାସ୍ଥଳରେ ମୃତ୍ୟୁ ଘଟିଥିବା ବେଳେ ନୟନା ଗୁରୁତର ହୋଇଥିଲେ। ଖବରପାଇ ଗଡ଼ିଶାଗୋଦା ପୋଲିସ ଘଟଣାସ୍ଥଳରେ ପହଞ୍ଚି ତଦନ୍ତ ଚଳାଇଛି।
