କପ୍ତିପଦା,୧୭ା୩(ଡି.ଏନ୍.ଏ)- ସରକାର ଗରିବ ସୀମାରେଖା ତଳେ ଥିବା ହିତାଧିକାରୀଙ୍କୁ ଗ୍ରାମୀଣ ଗୃହ ନିର୍ମାଣ ଯୋଜନାରେ ପକ୍କା ଘର ପ୍ରଦାନ ପାଇଁ ନିୟମ କରିଛନ୍ତି ା ଯୋଗ୍ୟ ହିତାଧିକାରୀ କିପରି ଏହି ଯୋଜନାରେ ସାମିଲ ହେବେ ସେଥିପାଇଁ ପ୍ରତି ପଞ୍ଚାୟତର ଗ୍ରାମସଭା ଓ ପଲ୍ଲିସଭା ମାଧ୍ୟମରେ ତାଲିକା ପ୍ରସ୍ତୁତ କରାଯାଉଛି। ମାତ୍ର ମୟୂରଭଞ୍ଜ ଜିଲା କପ୍ତିପଦା ବ୍ଲକ୍ରେ ଏହି ଯୋଜନା ସମ୍ପୂର୍ଣ୍ଣ ଦିଗହରା ହୋଇଛି। ଏହି ବ୍ଲକ୍ ଅଧୀନ ଲାବଣ୍ୟଦେଈପୁର ପଞ୍ଚାୟତ ୱାର୍ଡ ନଂ.-୧୦ରେ ବସବାସ କରୁଛନ୍ତି ବିଧବା ସାକ୍ରା ସୋରେନ(୬୦)। ସେ ଜଣେ ଅତି ଗରିବ ଶ୍ରେଣୀର ମହିଳା ା ୫ବର୍ଷ ତଳେ ତାଙ୍କ ସ୍ବାମୀ ମଦନଙ୍କ ମୃତ୍ୟୁ ଘଟିଥିଲା। ଏବେ ସେ ଅତି ଦୟନୀୟ ଜୀବନ ଯାପନ କରୁଛନ୍ତି ା ପୁଅ ବୋହୂ ଏପରି ଅବସ୍ଥାରେ ତାଙ୍କୁ ଛାଡ଼ି ବାହାରକୁ କାମ କରିବାକୁ ଯାଇଛନ୍ତି। ଘର ନ ଥିବାରୁ ସେମାନେ ମଧ୍ୟ ଗାଁକୁ ଆସୁ ନାହାନ୍ତି ା ପରିଣତ ବୟସରେ କାମ କରିବାକୁ ଅଣ୍ଟାରେ ଦମ୍ଭ ନ ଥିବାବେଳେ ରାତି ପାହିଲେ ଜଙ୍ଗଲକୁ ଯାଇ ପତ୍ର ଆଣି ଖଲିପତ୍ର ତିଆରି କଲେ ପେଟକୁ ଦାନା ଯାଏ ା ମାସକୁ ବିଧବା ଭତ୍ତା ୫ଶହ ଟଙ୍କା ଓ ୫ କେଜି ଚାଉଳ ତାଙ୍କର ସମ୍ବଳ ବୋଲି ସେ ପ୍ରକାଶ କରିଛନ୍ତି ା ଅନ୍ତ୍ୟୋଦୟ ଯୋଜନାରେ କାର୍ଡଟିଏ ଓ ଘର ଖଣ୍ଡିଏ ପାଇଁ ସେ ପଞ୍ଚାୟତଠାରୁ ବ୍ଲକ୍ ଅଫିସ ପର୍ଯ୍ୟନ୍ତ ଦାୈଡି ଦାୈଡି ନୟାନ୍ତ ହୋଇ ପଡ଼ିଥିଲେ ମଧ୍ୟ କେହି ତାଙ୍କ ଗୁହାରି ଶୁଣୁ ନାହାନ୍ତି ା ଘର ବୋଲି ତାଙ୍କର କିଛି ନାହିଁ ା ବାଉଁଶ ଉପରେ ପଲିଥିନ ପକାଇ ତାରି ତଳେ ବସବାସ କରୁଛନ୍ତି। ଖରାଦିନିଆ ବର୍ଷା ଓ ଝଡ଼ତୋଫାନ ତାଙ୍କ ସମସ୍ୟାକୁ ଦ୍ୱିଗୁଣିତ କରିଛି ା ସେହି ଘରେ ବିପଦସଙ୍କୁଳ ଅବସ୍ଥାରେ ସେ ରହିବାକୁ ବାଧ୍ୟ ହେଉଛନ୍ତି ା ହାଡ଼ଭଙ୍ଗା ଶୀତ କାକର ସମୟରେ ପାଇଖାନା ଭିତରେ ରାତି କଟାଇଥିବା କହିଛନ୍ତି ା ଏପରି କି ତାଙ୍କ ଘରର କିଛି ବ୍ୟବହାଯର୍ୟ ସାମଗ୍ରୀ ମଧ୍ୟ ସେହି ପାଇଖାନା ଭିତରେ ଥିବା ଦେଖିବାକୁ ମିଳିଛି। ନଡ଼ା ଛପରରେ ଘର ତିଆରି କରିବା ଓ ଏହି ଘରକୁ ପ୍ରତିବର୍ଷ ଛାଉଣି କରିବାକୁ ମଧ୍ୟ ତାଙ୍କ ପାଖରେ ଅର୍ଥ ନାହିଁ ା ଯାହା ଫଳରେ ଚିରାଫଟା ପଲିଥିନ ତଳେ ତାଙ୍କ ଜୀବନ କଟୁଛି। ସରପଞ୍ଚ ଓ ପଞ୍ଚାୟତ ନିର୍ବାହୀ ଅଧିକାରୀଙ୍କୁ ମଧ୍ୟ ବହୁ ଥର ଅଭିଯୋଗ କରିଥିଲେ ହେଁ କିଛି ସୁଫଳ ମିଳି ନାହିଁ। ସାକ୍ରାଙ୍କ ଏପରି ଅବସ୍ଥା ଦେଖି ସମାଜସେବୀ ଜୟ ମୁର୍ମୁ ଗଣମାଧ୍ୟମର ଦୃଷ୍ଟି ଆକର୍ଷଣ କରିଛନ୍ତି। ଉକ୍ତ ଗ୍ରାମର କାନ୍ଦ୍ର ସୋରେନ କୁହନ୍ତି, ଏହି ପରିବାର ଅଗ୍ରାଧିକାର ଭିତ୍ତିିରେ ନିଶ୍ଚିତ ଘର ପାଇବା ଦରକାର। ଏ ସଂକ୍ରାନ୍ତରେ କିଛି ଗ୍ରାମବାସୀ ଜିଲାପାଳ, ବିଡିଓଙ୍କ ଦୃଷ୍ଟି ଆକର୍ଷଣ କରିବା ସହିତ ଆବଶ୍ୟକ ପଡ଼ିଲେ ବ୍ଲକ ସମ୍ମୁଖରେ ଧାରଣାରେ ବସିବେ ବୋଲି ଚେତାବନୀ ଦେଇଛନ୍ତି। ଏ ନେଇ ପଞ୍ଚାୟତ କାର୍ଯ୍ୟନିର୍ବାହୀ ଅଧିକାରୀଙ୍କୁ ପଚାରିବାରୁ ଘଟଣା ସମ୍ପର୍କରେ ମୁଁ ଜାଣିନି, ସରପଞ୍ଚଙ୍କ ସହିତ ଆଲୋଚନା କରି କାର୍ଯ୍ୟାନୁଷ୍ଠାନ ଗ୍ରହଣ କରିବି ବୋଲି କହିଛନ୍ତି।