ପୋଲସରା,୮ା୪(ଡି.ଏନ୍.ଏ.) : ଗଞ୍ଜାମ ଜିଲା ପୋଲସରା ସହରରେ ପଶୁସେବା ସଂଘ ପକ୍ଷରୁ ବୁଲା କୁକୁର, ଗୋରୁ ଏବଂ ଅନ୍ୟାନ୍ୟ ଜୀବଜନ୍ତୁଙ୍କୁ ଖାଦ୍ୟ ବଣ୍ଟନ କରାଯାଉଛି। ଦୈନନ୍ଦିନ ଭାତ, ପନିପରିବା, ଚୁଡ଼ା, କ୍ଷୀର, ବିସ୍କୁଟ ଆଦି ନିଜସ୍ବ ଖର୍ଚ୍ଚରେ ପଶୁସେବା ସଂଘ ପକ୍ଷରୁ ପ୍ରଦାନ କରାଯାଉଛି। ଲକ୍ଡାଉନ୍ ସରିବା ପର୍ଯ୍ୟନ୍ତ ଏହି ଆହାର ଯୋଗାଇବା ପ୍ରକ୍ରିୟା ଚାଲୁ ରହିବ ବୋଲି ସଂଘର କର୍ମକର୍ତ୍ତା ବିକ୍ରମ ପ୍ରଧାନ, ସୁଶାନ୍ତ ମହାରଣା, ସୁଶାନ୍ତ ବେହେରା, ସୀମାଞ୍ଚଳ ସାହୁ ପ୍ରମୁଖ ପ୍ରକାଶ କରିଛନ୍ତି।