ନୂଆଦିଲ୍ଲୀ,୧୫-୧୦: ଚଳିତ ବର୍ଷ ସେପ୍ଟେମ୍ବରରେ ପାଇକାରି ମୂଲ୍ୟ ଭିତ୍ତିକ ମୁଦ୍ରାସ୍ଫୀତି(ଡବ୍ଲ୍ୟୁପିଆଇ) ୦.୩୩% ସ୍ତରରେ ରହିଛି। ଏହା ଅଗଷ୍ଟରେ ୧.୦୮% ରହିଥିବା ସୋମବାର ସରକାରୀ ଡାଟାରୁ ଜଣାପଡିଛି। ଗତ ବର୍ଷ ସମାନ ସମୟରେ ଏହା ୫.୨୨% ରହିଥିଲା। ୩ ବର୍ଷରେ ପାଇକାରୀ ମୁଦ୍ରାସ୍ଫୀତି ନକାରାତ୍ମକ ସ୍ଥିତିକୁ ଯାଉଥିବା ଦେଖାଯାଇଛି। ସାଧାରଣତଃ ଦରଦାମ କମିବା ଯୋଗୁ ଉପଭୋକ୍ତା ଖୁସି ହୁଅନ୍ତି। ଯଦି କୌଣସି ସ୍ଥିତିରେ ମୁଦ୍ରାସ୍ଫୀତି ଶୂନର ନିକଟବର୍ତ୍ତୀ ହୁଏ କିମ୍ବା ନକାରାତ୍ମକ ରହେ ତେବେ ଏହା ଚିନ୍ତାଜନକ ହୋଇଥାଏ। ମୁଦ୍ରାସ୍ଫୀତି ଅଧିକ ଖସିବାର ଅର୍ଥ ହେଲା ଅର୍ଥ ବ୍ୟବସ୍ଥାରେ କିଛି ସମସ୍ୟା ରହିଛି। ଯୋଗାଣ ତୁଳନାରେ ଚାହିଦା କମ୍ ହେଲେ ଏଭଳି ସ୍ଥିତି ଉପୁଜିଥାଏ। ଏହି ସମୟରେ କମ୍ପାନୀଗୁଡିକର ପ୍ରାଇସିଂ କ୍ଷମତା କମ୍ ହୋଇଯାଇଥାଏ। ଖାଦ୍ୟ ସାମଗ୍ରୀ ଉପରେ ମୂଲ୍ୟ ବୃଦ୍ଧି ୭.୪୭% ରହିଛି। ଅଣ ଖାଦ୍ୟସାମଗ୍ରୀ ଏହା ୨.୧୮% ରହିଥିବା ବାଣିଜ୍ୟ ଏବଂ ଶିଳ୍ପ ମନ୍ତ୍ରଣାଳୟ ପକ୍ଷରୁ ସଦ୍ୟତମ ଡାଟାରେ ପ୍ରକାଶ ପାଇଛି। ଚଳିତ ଆର୍ଥତ୍କ ବର୍ଷର ବର୍ତ୍ତମାନ ସମୟ ପର୍ଯ୍ୟନ୍ତ ମୁଦ୍ରାସ୍ଫୀତି ୧.୧୭% ରହିଛି। ପୂର୍ବ ଆର୍ଥତ୍କ ବର୍ଷ ସମାନ ସମୟ ତୁଳନାରେ ଏହା ୩.୯୬% ରହିଥିଲା। ମାନୁଫାକଚରିଂ ପ୍ରଡକ୍ଟ ଇଣ୍ଡେକ୍ସ ୦.୧% ବୃଦ୍ଧି ଘଟି ୧୧୭.୯% ରହିଛି। ଏହା ଚଳିତ ବର୍ଷ ଅଗଷ୍ଟରେ ୧୧୭.୮% ଥିଲା।