ମଥୁରା,୧୧।୯: ପ୍ରଧାନମନ୍ତ୍ରୀ ନରେନ୍ଦ୍ର ମୋଦି ମଥୁରାରେ ଆୟୋଜିତ ପ୍ଲାଷ୍ଟିକ୍ ମୁକ୍ତ ଭାରତ ମିଶନ କାର୍ଯ୍ୟକ୍ରମରେ ବୁଧବାର ଯୋଗଦେଇ ପାକିସ୍ତାନକୁ ଚେତାବନୀ ଦେଇଛନ୍ତି। ଆତଙ୍କବାଦୀ ଶରଣକାରୀଙ୍କୁ ବରଦାସ୍ତ କରାଯିବ ନାହିଁ ବୋଲି ମୋଦି କହିଛନ୍ତି। ମୋଦି ପାକିସ୍ତାନର ନାମ ନ ନେଇ ଏଭଳି କହିଛନ୍ତି। ଏବେ ଆତଙ୍କବାଦ ଏକ ବିଚାରଧାରା ହୋଇଯାଇଛି। ଏହା ପୃଥିବୀ ଏକ ବିରାଟ ସମସ୍ୟା। ଏହାର ମୂଳ ଭାରତର ପଡ଼ୋଶୀ ଦେଶରେ ରହିଛି। ସେଠାରୁ ଏହା ଅନ୍ୟ ଅଞ୍ଚଳକୁ ବିସ୍ତାର ହେଉଛି। ତେବେ ଏଭଳି ଶରଣକାରୀଙ୍କ ବିରୋଧରେ କଡ଼ା ପଦକ୍ଷେପ ଗ୍ରହଣ କରାଯିବାର ଆବଶ୍ୟକତା ଥିବା ମୋଦି କହିଛନ୍ତି।