ନୂଆଦିଲ୍ଲୀ,୨୩।୮: ପ୍ରଧାନମନ୍ତ୍ରୀ ନରେନ୍ଦ୍ର ମୋଦିଙ୍କ ପାଇଁ ଆସିଛି ହତ୍ୟା ଧମକ। ପାକିସ୍ତାନରୁ କେହି ଅଜଣା ବ୍ୟକ୍ତି ହ୍ବାଟସ୍ ଆପ୍ ମାଧ୍ୟମରେ ମୋଦିଙ୍କୁ ମାରିବାକୁ ଧମକ ଦେଇ ମେସେଜ୍ କରିଥିବା ଜଣାପଡିଛି। ତେବେ ଦିଲ୍ଲୀ ଚାନ୍ଦନି ଚୌକର ପୂର୍ବତନ ଭାଜପା ନେତା ରାଜନ ଧିମାନଙ୍କ ଫୋନ୍କୁ ଏହି ମେସେଜ୍ ଆସିଥିବା କୁହାଯାଉଛି। କେବେଳ ସେତିକି ନୁହେଁ ଉକ୍ତ ମେସେଜ୍ରେ କଶ୍ମୀର ଖାଲି କରିବାକୁ ମଧ୍ୟ ମୋଦିଙ୍କୁ କୁହାଯାଇଛି। ମେସେଜ୍ରେ ଉଲ୍ଲେଖ ରହିଛି କି ମୋଦିଙ୍କ ଉପରେ ବଡ ଧରଣର ଆକ୍ରମଣ ଯୋଜନା ରହିଛି। ଏହାକୁ ନେଇ ରାଜନ ପୋଲିସରେ ଅଭିଯୋଗ କରିବା ସହ ମାମଲା ରୁଜୁ ହୋଇ ପୋଲିସ ତଦନ୍ତ ଆରମ୍ଭ କରିଛି। ଯେହେତୁ ଏହି ହତ୍ୟା ଧମକ ପ୍ରଧାନମନ୍ତ୍ରୀ ନରେନଦ୍ର ମୋଦିଙ୍କୁ ଦିଆଯାଇଛି ସେଥିପାଇଁ ପୋଲିସ ତନାଘନା ଆରମ୍ଭ କରିଥିବା କୁହାଯାଉଛି।