ଇସଲାମାବାଦ୍,୧୨-୯: ଜମ୍ମୁ-କଶ୍ମୀରକୁ ନେଇ ଭାରତ ସହିତ ଶତ୍ରୁତା ବୃଦ୍ଧି ପାକିସ୍ତାନ ଅର୍ଥନୀତିର ମେରୁଦଣ୍ଡକୁ ଦୋହଲାଇ ଦେଇଛି। ପନିପରିବା ଠାରୁ ଆରମ୍ଭ କରି ସାଧାରଣ ନିତ୍ୟବ୍ୟବହାର୍ଯ୍ୟ ସାମଗ୍ରୀ ଦର ଆକାଶଛୁଆଁ ହୋଇଥିବା ବେଳେ ପିଲା ପିଉଥିବା କ୍ଷୀର ମଧ୍ୟ ଏବେ ସାଧାରଣ ଲୋକଙ୍କ ହାତାପାହାନ୍ତାରୁ ଚାଲିଯାଇଛି। ଦେଶରେ କ୍ଷୀର ଦର ଏତେ ଉଚ୍ଚ ଯେ, ପେଟ୍ରୋଲ ଓ ଡିଜେଲ ଦର ଠାରୁ ଏହା ମହଙ୍ଗା ହୋଇଯାଇଛି। ମୁହର୍ରମ ଦିନ ପେଟ୍ରୋଲ ଦର ଲିଟର ପିଛା ୧୧୩ ଟଙ୍କା ଥିବା ବେଳେ ଡିଜେଲ ଲିଟର ପିଛା ୯୧ ଟଙ୍କା ଥିଲା। ତେବେ ଏହାକୁ ବଳି ଯାଇଛି କ୍ଷୀର ଦର। ପାକିସ୍ତାନରେ ଏବେ କ୍ଷୀର ଦର ଲିଟର ପିଛା ୧୪୦ ଟଙ୍କାରେ ପହଞ୍ଚତ୍ୟାଇଛି। ସବୁ ସାମଗ୍ରୀ ସହ କ୍ଷୀର ଦର ପାକିସ୍ତାନରେ ବୃଦ୍ଧି ପାଇଚାଲିଥିଲା। କିନ୍ତୁ ମୁହର୍ରମ ଅବସରରେ କ୍ଷୀର ଦରରେ ନିଆଁ ଲାଗିଛି। ଦେଶର ସବୁଠାରୁ ବଡ଼ ସହର କରାଚି ଏବଂ ସିନ୍ଧ ପ୍ରଦେଶରେ କ୍ଷୀର ଲିଟର ୧୪୦ ଟଙ୍କା ହୋଇଛି। ପାକିସ୍ତାନ ଖବର କାଗଜ ‘ଏକ୍ସପ୍ରେସ ନ୍ୟୁଜ୍’ରେ ଏକ ରିପୋର୍ଟ ପ୍ରକାଶ କରି କୁହାଯାଇଛି ଯେ, ଡେୟାରୀ ମାଫିଆ ମାନେ ମୁହର୍ରମ ଅବସରରେ କ୍ଷୀର ଚାହିଦା ବୃଦ୍ଧିର ଫାଇଦା ଉଠାଇ ଲୋକଙ୍କୁ ଲୁଟିଛନ୍ତି। ସେମାନେ ମନଇଚ୍ଛା ଦର ଆଦାୟ କରିଛନ୍ତି। ମୁହର୍ରମ ଅବସରରେ ୯ ଓ ୧୦ରେ ଲୋକେ କ୍ଷୀରରେ ନିିର୍ମିତ ସରବତ,କ୍ଷିରି ଆଦି ବାଣ୍ଟନ୍ତି। ପାକିସ୍ତାନରେ ଟମାଟୋ ଓ କ୍ଷୀର ବ୍ୟତୀତ ଅନ୍ୟ ପନିପରିବା ଦର ବହୁଗୁଣ ବଢ଼ିଯାଇଛି। ପିଆଜ କେଜି ୬୦ ଟଙ୍କାରେ ପହଞ୍ଚତ୍ୟାଇଥିବା ବେଳେ ଟମାଟୋ କିଲୋ ୨୦୦ ଟଙ୍କାରେ ପହଞ୍ଚତ୍ୟାଇଛି।