ପାକିସ୍ତାନର ଅସ୍ତ୍ରବିରତି ଉଲ୍ଲଂଘନ: ଯବାନ ଶହୀଦ
1:10 pmAugust 23, 2019August 23, 2019 / 02

ଶ୍ରୀନଗର,୨୩।୮: ଜମ୍ମୁ-କଶ୍ମୀରର ନୌସେରା ସେକ୍ଟରରେ ପାକିସ୍ତାନ ସୀମାରେ ଶୁକ୍ରବାର ଅସ୍ତ୍ରବିରତି ଉଲ୍ଲଂଘନ କରିଛି। ଫଳରେ ଜଣେ ଭାରତୀୟ ଯବାନ ଶହୀଦ ହୋଇଥିବା ସୂଚନା ମିଳିଛି। ଶହୀଦ ଯବାନ ଗୋର୍ଖା ରାଇଫଲ୍ସର ରାଜୀବ ଥାପ୍ପା ବୋଲି ଜଣାପଡିଛି। ସୂଚନାଯୋଗ୍ୟ, ପାକିସ୍ତାନର ବାରମ୍ବାର ଅସ୍ତ୍ରବିରତି ଉଲ୍ଲଂଘନ ଫଳରେ ସୀମାରେ ଅଶାନ୍ତ ବାତାବରଣ ଲାଗି ରହୁଥିବା ବେଳେ ଭାରତୀ ଯବାନ ଏହାର କଡା ଯବାବ ମଧ୍ୟ ଦେଉଛନ୍ତି। ନିକଟରେ ପାକିସ୍ତାନର ଅସ୍ତ୍ରବିରତି ଉଲ୍ଲଂଘନରେ ଜଣେ ଯବାନ ଶହୀଦ ହୋଇଥିବା ବେଳେ ଭାରତୀୟ ଯବାନ ପାକିସ୍ତାନର ପ୍ରାୟ ୫ ସେନା ଶିବିରକୁ ଧ୍ୱଂସ କରିବା ସହ ୨ ସେନା ଅଧିକାରୀଙ୍କୁ ନିପାତ କରିଥିଲେ।