ଇସଲାମାବାଦ, ୨୮ା୩ :- କରୋନା ସଂକ୍ରମଣ ରୋକିବାକୁ ସାରା ବିଶ୍ୱ ଲଢେଇ କରୁଛି ।ଏହି ରୋଗରେ ସମସ୍ତ ବର୍ଗର ଲୋକେ ଆକ୍ରାନ୍ତ ହେଉଥିଲେ ହେଁ ଅଧତ୍କାଂଶ ବୟସ୍କ ବ୍ୟକ୍ତି ଅଧିକ ମାତ୍ରାରେ ପ୍ରଭାବିତ ହେଉଥିବା ଦେଖାଦେଇଛି । ଏଥିସହ କରୋନାରେ ମୃତ୍ୟୁ ଘଟୁଥିବା ଅଧତ୍କାଂଶ ରୋଗୀ ମଧ୍ୟ ବୟସ୍କ ଶ୍ରେଣୀର। ହେଲେ ପାକିସ୍ତାନରେ ଏହାର ଓଲଟା ଚିତ୍ର ସାମନାକୁ ଆସିଛି । ଏହି ଦେଶରେ ବୟସ୍କ ଲୋକଙ୍କ ତୁଳନାରେ ଅଧତ୍କ ସଂଖ୍ୟାରେ ଯୁବପିଢି ଆକ୍ରାନ୍ତ ହୋଇଥିବା ଜଣାପଡିଛି। ଏ ପର୍ଯ୍ୟନ୍ତ ପାକିସ୍ତାନରେ କରୋନା ଆକ୍ରାନ୍ତଙ୍କ ସଂଖ୍ୟା ୧ ହଜାର ଟପିଛି। ଦେଶର ସିନ୍ଧ ପ୍ରାନ୍ତର ଲୋକେ ସର୍ବାଧତ୍କ ଆକ୍ରାନ୍ତ ହୋଇଥତ୍ବା ଜଣାପଡିଛି ।
ପାକିସ୍ତାନ ପ୍ରଧାନମନ୍ତ୍ରୀ ଇମ୍ରାନ ଖାନଙ୍କ ସ୍ପେଶାଲ ଆସିଷ୍ଟାଣ୍ଟ ଡର ଜଫର ମିର୍ଜା ଗଣମାଧ୍ୟମକୁ ଦେଇଥିବା ସୂଚନା ମୁତାବକ, ସଂକ୍ରମିତ ରୋଗୀଙ୍କ ମଧ୍ୟରେ ଅଧତ୍କାଂଶ ଯୁବପିଢି ରହିଛନ୍ତି। ୨୫ ପ୍ରତିଶତରୁ ଅଧତ୍କ ଆକ୍ରାନ୍ତଙ୍କ ବୟସ ୨୧ରୁ ୩୦ ବର୍ଷ ମଧ୍ୟରେ ବୋଲି ସେ କହିଛନ୍ତି । ପ୍ରାୟ ୨୫୦ରୁ ଅଧିକ ଯୁବକ କରୋନାରେ ସଂକ୍ରମିତ ହୋଇଛନ୍ତି। ଏହାବାଦ ଅନ୍ୟ ଗୋଷ୍ଠୀ ତଥା ବିଭିନ୍ନ ରୋଗରେ ପୂର୍ବରୁ ଆକ୍ରାନ୍ତ ହୋଇଥିବା ଲୋକ ସଂକ୍ରମିତ ହୋଇଛନ୍ତି। ଅଧତ୍କାଂଶ ଦେଶରେ ୬୦ ବର୍ଷରୁ ଅଧିକ ବୟସର ଲୋକେ କରୋନାରେ ସର୍ବାଧତ୍କ ପ୍ରଭାବିତ ହୋଇଥିବାବେଳେ ଏହି ଦେଶରେ କିନ୍ତୁ ଓଲଟା ପାର୍ଟନ ଦେଖାଯାଇଛି ।ଏଥିସହ ଏହି ଦେଶରେ କରୋନା କବଳରେ ଆସିଥିବା ଲୋକଙ୍କ ମଧ୍ୟରେ ୭ ପ୍ରତିଶତ ଲୋକାଲ ଟ୍ରାନ୍ସମିଶନ ଦ୍ୱାରା ଆକ୍ରାନ୍ତ ହୋଇଥିବାବେଳେ ୯୩ ପ୍ରତିଶତ ବିଦେଶ ଫେରନ୍ତା ରହିଛନ୍ତି।