ଇସଲମାବାଦ, ୨୪।୭: ଭାରତରେ ଥିବା ରାଧେ ମା’ଙ୍କ କଥା ଶୁଣିଥିବେ, କିନ୍ତୁ ପାକିସ୍ତାନରେ ମଧ୍ୟ ସେମିତି ଜଣେ ବ୍ୟକ୍ତି ନିଜକୁ ବୋହୂ ବେଶରେ ସଜାଇ ଜ୍ଞାନ ବାଣ୍ଟୁଥିବାର ଦେଖିବାକୁ ମିଳିଛି। ସିନ୍ଧ୍ ପ୍ରାନ୍ତ ଅଞ୍ଚଳରେ ଏହି ବ୍ୟକ୍ତି ଜଣଙ୍କ ଇସ୍ଲାମିକ ଧର୍ମଗୁରୁ ଲୋକଙ୍କୁ ଧର୍ମ ଶିକ୍ଷା ଦେଉଛନ୍ତି। ନାରଙ୍ଗୀ ରଙ୍ଗର ଶାଢି ପରିଧାନ କରି ନିଶଦାଢି ରଖିଥିବା ଏହି ଧର୍ମଗୁରୁଙ୍କ ଫଟୋ ସୋସିଆଲ ମିଡିଆରେ ଭାଇରାଲ ହୋଇଛି। ଲୋକେ ତାଙ୍କୁ ଟ୍ରୋଲ କରୁଥିବାର ଦେଖାଯାଇଛି। ସୂଚନାଯୋଗ୍ୟ, ସିନ୍ଧ୍ ପ୍ରାନ୍ତର ହାଇଦ୍ରାବାଦ୍ ସହରରେ ରହୁଥିବା ଏହି ଧର୍ମଗୁରୁ ଜଣଙ୍କ ଗହଣା ପିନ୍ଧି ବିବାହ ବେଶରେ ସଜେଇ ହେବା ପରେ ହିଁ ଲୋକଙ୍କ ସାମ୍ନାକୁ ଆସନ୍ତି। ବିଭିନ୍ନ ଗଳିରେ ତାଙ୍କୁ ଲୋକଙ୍କ ସହ ନାଚୁଥିବାର ମଧ୍ୟ ଦେଖାଯାଇଛି।