![](https://www.dharitri.com/wp-content/uploads/2020/02/rahman.jpg)
ମୁମ୍ବାଇ: ବଲିଉଡ୍ର ନାମୀ ସଙ୍ଗୀତକାର ଏ. ଆର୍. ରେହେମାନ ନିର୍ମାଣ କରିବାକୁ ଯାଉଛନ୍ତି ଏକ ମ୍ୟୁଜିକାଲ ଫିଲ୍ମ। ଯେଉଁଥିରେ ପ୍ରାୟ ୧୫ଟି ଗୀତ ରହିଛି। ନିକଟରେ ଏହାର ଶୁଟିଂ କରାଯାଇଥିବା ବେଳେ ଏହାକୁ ନେଇ ରେହେମାନ୍ ବଡ କଥା କହିଛନ୍ତି। ସେ କହିଛନ୍ତି ଏବେ ରିମିକ୍ସର ଯୁଗ ଚାଲିଛି। ଏହାଭଲ କିନ୍ତୁ ଅତ୍ୟଧିକ ରିମିକ୍ସ କ୍ଷତିକାରକ। ତେବେ ତାଙ୍କ ଫିଲ୍ମରେ ସେ ଭଲ କଳାକାରଙ୍କୁ ନେବାକୁ ଚାହୁଁଥିବା ବେଳେ ସେମିତି କାଳାକାର ପାକିସ୍ତାନରେ ଥିଲେ। ହେଲେ ସେ ଏମାନଙ୍କୁ ନେଇ ନାହନ୍ତି। କାରଣ ହେଉଛି ଦୁଇ ଦେଶ ମଧ୍ୟରେ ସମ୍ପର୍କ ଭଲ ନ ଥିବାରୁ ପରେ ଏହା ତାଙ୍କ ଫିଲ୍ମ ପାଇଁ ସମସ୍ୟା ସୃଷ୍ଟି କରିଥାଆନ୍ତା ବୋଲି ସେ କହିଛନ୍ତି। ଏବେ ତାଙ୍କ ମ୍ୟୁଜିକାଲ ଫିଲ୍ମରେ ଏହାନ ଭଟ୍ଟଙ୍କୁ ମୁଖ୍ୟ ଭୂମିକାରେ ଦେଖିବାକୁ ମିଳିବ।