କାବୁଲ,୨୮।୧୨: ପାକିସ୍ତାନ ଏବଂ ଆଫଗାନିସ୍ତାନ ମଧ୍ୟରେ ଯୁଦ୍ଧ ପରିସ୍ଥିତି ସୃଷ୍ଟି ହେଉଛି। ଆଫଗାନିସ୍ତାନ ଉପରେ ପାକିସ୍ତାନ କ୍ରମାଗତ ଭାବେ ଏୟାର ଷ୍ଟ୍ରାଇକ କରୁଛି, ଯେଉଁଥିପାଇଁ ଉଭୟଙ୍କ ମଧ୍ୟରେ ତିକ୍ତତା ଯଥେଷ୍ଟ ବୃଦ୍ଧି ପାଇଛି ।
ଏହି ସମୟରେ ୧୫ହଜାର ତାଲିବାନ ସଂଗ୍ରାମୀ ପାକିସ୍ତାନ ଆଡକୁ ଯାଉଛନ୍ତି। ତାଲିବାନ ଯୁଦ୍ଧବିମାନର ମୁକାବିଲା ପାଇଁ ପାକିସ୍ଥାନ ସେନା ଏବଂ ବାୟୁସେନା ପେଶୱାର ଏବଂ କ୍ୱେଟାରେ ସେନା ମୁତୟନ କରିଛନ୍ତି।
ପାକିସ୍ତାନୀ ସେନାର କିଛି ସୌନ୍ୟ ଆଫଗାନିସ୍ତାନ ସୀମାରେ ପହଞ୍ଚିଛନ୍ତି। ଅନ୍ୟପକ୍ଷରେ ଆଫଗାନିସ୍ତାନ ତାଲିବାନ ସଂଗ୍ରାମୀ ମୀର ଅଲି ସୀମାରେ ପହଞ୍ଚିଛନ୍ତି।
ଶନିବାର ଆଫଗାନିସ୍ତାନର ତାଲିବାନ ବାହିନୀ ପାକିସ୍ତାନ ସୀମା ନିକଟରେ ଗୁଳି ଚଳାଇଥିଲା। ଏଥି ସହ ତାଲିବାନ ଯୁଦ୍ଧବିମାନ ପାକିସ୍ତାନର ଦୁଇଟି ପୋଷ୍ଟକୁ ନଷ୍ଟ କରି ଦେଇଥିବା ସୂଚନା ସାମ୍ନାକୁ ଆସିଛି। ଏଥିସହ ଅନେକ ସୈନିକଙ୍କ ମୃତ୍ୟୁ ଖବର ସାମ୍ନାକୁ ଆସିଛି।
ଅଲ ଜଜିରା ଅନୁଯାୟୀ ଆଫଗାନିସ୍ତାନ ଉନବିଂଶ ଶତାବ୍ଦୀରେ ବ୍ରିଟିଶମାନଙ୍କ ଦ୍ୱାରା ଅଙ୍କାଯାଇଥିବା ପାକିସ୍ଥାନ ଏବଂ ଆଫଗାନିସ୍ତାନ ମଧ୍ୟରେ ଥିବା ଡୁରାଣ୍ଡ ଲାଇନକୁ ଆଫଗାନିସ୍ତାନ ପ୍ରତ୍ୟାଖ୍ୟାନ କରିଛି। ତାଲିବାନ ଏହାକୁ ସୀମାର ଉଭୟ ପାର୍ଶ୍ୱରେ ପାଶ୍ଟୁନ ମଧ୍ୟରେ ଏକ ବିଭାଜନ ରେଖା ଭାବରେ ଦେଖୁଛି।
ତେବେ ତାଲିବାନ ମୁଖପାତ୍ର ଇନାୟତୁଲ୍ଲା ଖୋୱାରାଜମୀ କହିଛନ୍ତି, ‘ଆମେ ଏହାକୁ ପାକିସ୍ତାନର ଅଞ୍ଚଳ ବୋଲି ଭାବୁନାହୁଁ। ଖୋଷ୍ଟ ଏବଂ ପାକ୍ଟିଆ ପ୍ରଦେଶ ସୀମାରେ ଶନିବାର ସକାଳେ ସଂଘର୍ଷ ଜାରି ରହିଛି।
ପାକିସ୍ତାନ ସହିତ ଆଫଗାନିସ୍ତାନର ଏକ ଜଟିଳ ଇତିହାସ ରହିଛି। ଆଫଗାନିସ୍ତାନରେ ତାଲିବାନ ପ୍ରତିଷ୍ଠା କରିବାରେ ପାକିସ୍ତାନ ଏକ ପ୍ରମୁଖ ଭୂମିକା ଗ୍ରହଣ କରିଥିଲା। ତେବେ ତାଲିବାନ କେବଳ ପାକିସ୍ତାନ ଉପରେ ନଜର ରଖିଛି।
