କରାଚୀ,୨୧।୯: ଆଗାମୀ ଶ୍ରୀଲଙ୍କା ବିପକ୍ଷ ସିରିଜ୍ ଲାଗି ଶନିବାର ପାକିସ୍ତାନ ଦଳ ଘୋଷଣା ହୋଇଯାଇଛି। ଅଲରାଉଣ୍ଡର ମହମ୍ମଦ ନଓ୍ବାଜଙ୍କୁ ଦୀର୍ଘ ଦିନ ପରେ ଜାତୀୟ ଦଳକୁ ଡକରା ମିଳିଛି। ତାଙ୍କ ବ୍ୟତୀତ ୨୦୧୫ରେ ଅନ୍ତିମ ଥର ଅନ୍ତର୍ଜାତୀୟ କ୍ରିକେଟରେ ଖେଳିଥିବା ଇଫ୍ତକର ଅହମ୍ମଦ ମଧ୍ୟ ଦଳକୁ ଫେରିଛନ୍ତି। ଦ୍ରୁତ ବୋଲର ଶାହିନ ଆଫ୍ରିଦୀ, ହାସନ ଅଲି ଓ ମହମ୍ମଦ ହାସିନଙ୍କୁ ବାଦ୍ ଦିଆଯାଇଛି। ଆଫ୍ରିଦୀ ଏବେ ଡେଙ୍ଗୁ ଜ୍ୱରରେ ପୀଡ଼ିତ। ହାସନ ଏବେ ମଧ୍ୟ ଅଣ୍ଟା ସମସ୍ୟା ଦେଇ ଗତି କରୁଛନ୍ତି। ୩ ମ୍ୟାଚ୍ ବିଶିଷ୍ଟ ଦିନିକିଆ ସିରିଜ ଚଳିତ ମାସ ୨୭ ତାରିଖରୁ ଆରମ୍ଭ ହେବ।
ପାକିସ୍ତାନ ଦଳ: ସର୍ଫରାଜ ଅହମ୍ମଦ (ଅଧିନାୟକ), ବାବର ଆଜାମ, ଆବିଦ ଅଲି, ଅସିଫ ଅଲି, ଫକର ଜାମନ, ହାରିସ ସୋହେଲ, ମହମ୍ମଦ ହାସିନ, ଇଫ୍ତକର ଅହମ୍ମଦ, ଇମାଦ ଓ୍ବାସିମ, ଇମାମ ଉଲ ହକ୍, ମହମ୍ମଦ ଅମିର, ମହମ୍ମଦ ନଓ୍ବାଜ, ମହମ୍ମଦ ରିଜଓ୍ବାନ, ଶାଦାବ ଖାନ, ଉସମାନ ଖାନ ଶିନଓ୍ବାରୀ ଓ ଓ୍ବାହବ ରିଆଜ।