ଲଣ୍ଡନ,୨୪।୫: ପାକିସ୍ତାନ ପୂର୍ବତନ କ୍ରିକେଟର ତଥା ବ୍ୟାଟ୍ସମ୍ୟାନ ତୌଫିକ୍ ଉମର କରୋନା ଭାଇରସ୍ ଦ୍ୱାରା ସଂକ୍ରମିତ ହୋଇଛନ୍ତି। ତାଙ୍କର ପରୀକ୍ଷା ହୋଇଥିଲା ଓ ଶନିବାର ସେ କୋଭିଡ-୧୯ ପଜିଟିଭ୍ ବୋଲି ଜଣାପଡିଛି। ସେ ଏବେ ଘରୋ ସେଲ୍ଫ ଆସୋସିଏଶନରେ ରହିଛନ୍ତି। ତାଙ୍କ ଦେହରେ ସାମାନ୍ୟ ଲକ୍ଷଣ ଦେଖିବାକୁ ମିଳିଛି। ଟେଷ୍ଟ ସମୟରେ ତାଙ୍କଠାରେ କୌଣସି ଲକ୍ଷଣ ଦେଖିବାକୁ ମିଳି ନ ଥିଲା। ତେବେ ହାଲ୍କା ଭାବେ ମୁଣ୍ଡ ବିନ୍ଧା ହେଉଥିଲା। ୩୮ ବର୍ଷୀୟ ଉମର ୨୦୦୧ରୁ ୨୦୧୪ ମଧ୍ୟରେ ପାକିସ୍ତାନ ପାଇଁ ୪୪ଟେଷ୍ଟ, ୨୨ଟି ଦିନିକିଆ ମ୍ୟାଚ୍ ଖେଳିଛନ୍ତି। ବର୍ତ୍ତମାନ ସେ ପାକିସ୍ତାନ କ୍ରିକେଟ ବୋର୍ଡ (ପିସିବି) ପାଇଁ ଜୁନିୟର ଜାତୀୟ ଚୟନକର୍ତ୍ତା ଭାବେ କାର୍ଯ୍ୟ କରୁଛନ୍ତି। ଦୀର୍ଘ ୧୩ ବର୍ଷର କ୍ୟାରିୟରରେ ସେ ଟେଷ୍ଟରେ ୩୭.୯୮ ରନ ହାରରେ ୨୯୬୩ ଓ ଦିନିକିଆରେ ୫୦୪ ରନ ସଂଗ୍ରହ କରିଛନ୍ତି। ଉଲ୍ଲେଖଥାଉ କି, ଚତୁର୍ଥ ଜଣାଶୁଣା କ୍ରିକେଟରଭାବେ ସେ ସଂକ୍ରମିତ ହୋଇଛନ୍ତି। ତାଙ୍କ ପୂର୍ବରୁ ସ୍କଟଲାଣ୍ଡର ମାଜିଦ୍ ହକ, ପାକିସ୍ତାନର ଜାଫର ସର୍ଫରାଜ ଓ ଦକ୍ଷିଣ ଆଫ୍ରିକାର ସୋଲୋ ଏନ୍କ୍ୱେନି ମଧ୍ୟ କୋଭିଡ୍-୧୯ ପଜିଟିଭ୍ ବୋଲି ଜଣାପଡିଥିଲା।