ଢାକା,୨୮।୨- ବାଂଲାଦେଶ ଦଳର ଉଇକେଟକିପର ବ୍ୟାଟ୍ସମ୍ୟାନ ମୁଶଫିକର ରହିମ ପାକିସ୍ତାନ ଗସ୍ତ କରିବାକୁ ମନା କରି ଦେଇଛନ୍ତି। ବାଂଲାଦେଶ ଦଳ ପାକିସ୍ତାନ ଗସ୍ତର ତୃତୀୟ ତଥା ଅନ୍ତିମ ପର୍ଯ୍ୟାୟରେ ଗୋଟିଏ ଦିନିକିଆ ମ୍ୟାଚ୍ ସହ ଦ୍ୱିତୀୟ ଟେଷ୍ଟ ମ୍ୟାଚ୍ ଖେଳିବ। ଏଥି ଲାଗି ବାଂଲାଦେଶ କ୍ରିକେଟ ବୋର୍ଡ (ବସିବି) ଦଳର ସିନିୟର ଖେଳାଳିଙ୍କୁ ନିଜ ନିଷ୍ପତ୍ତି ଉପରେ ପୁନଃ ବିଚାର କରିବାକୁ କହିଥିଲା। ତାଙ୍କୁ ସାଥି ଖେଳାଳି ମେହମୁଲା ଓ ଦଳର ଅନ୍ୟ ସଦସ୍ୟମାନେ ମଧ୍ୟ ପରାମର୍ଶ ଦେଇଥିଲେ। କିନ୍ତୁ ରହିମ ପାକିସ୍ତାନ ଗସ୍ତ କରିବେ ନାହିଁ ବୋଲି ରୋକଠକ ମନା କରି ଦେଇଛନ୍ତି। ପ୍ରଥମ ଦୁଇ ପର୍ଯ୍ୟାୟରେ ରହିମ ପାକିସ୍ତାନ ଗସ୍ତ କରି ନ ଥିଲେ। ଉକ୍ତ ଦୁଇ ପର୍ଯ୍ୟାୟରେ ବାଂଲାଦେଶ ଓ ପାକିସ୍ତାନ ମଧ୍ୟରେ ୩ ମ୍ୟାଚ୍ ବିଶିଷ୍ଟ ଟି୨୦ ସିରିଜ୍ ଓ ଏକ ଟେଷ୍ଟ ମ୍ୟାଚ୍ ଖେଳାଯାଇଥିଲା। ମୁଁ ପାକିସ୍ତାନ ଗସ୍ତ କରିବି ନାହିଁ ବୋଲି ନିଷ୍ପତ୍ତି ନେଇଥିଲେ। ଏଥିରେ କୌଣସି ପରିବର୍ତ୍ତନ ହେବାର ନାହିଁ। ଆଉ ମୋ ନିଷ୍ପତ୍ତିକୁ ବିସିବି ଗ୍ରହଣ କରି ନେଇଛି। ମୋତେ ପିଏସ୍ଏଲରେ ଖେଳିବା ଲାଗି ପ୍ରସ୍ତାବ ଦିଆଯାଇଥିଲା। କିନ୍ତୁ ମୁଁ ମନା କରିଥିଲ। ବର୍ତ୍ତମାନ ପରିସ୍ଥିତି ଜାଣିବା ପରେ ମଧ୍ୟ ମୋ ନିଷ୍ପତ୍ତିରେ ପରିବର୍ତ୍ତନ କରିନାହିଁ। ଆଉ ଏହା ଭବିଷ୍ୟତରେ ମଧ୍ୟ ମୋ ନିଷ୍ପତ୍ତିରେ ଅଟଳ ରହିବି। ଯେଉଁମାନେ ଗସ୍ତ କରୁଛନ୍ତି, ସେମାନଙ୍କୁ ମୋର ଶୁଭକାମନା ବୋଲି ମୁଶଫିକର ପ୍ରକାଶ କରିଛନ୍ତି।