ଇସ୍ଲାମାବାଦ,୪।୧୧: ପାକିସ୍ତାନର ରେଳମନ୍ତ୍ରୀ ଶେଖ ରସିଦ ପୁଣିଥରେ ନିଜର ଓଲଟା-ସିଧା କଥାକୁ ନେଇ ସୋସିଆଲ ମିଡିଆରେ ଟ୍ରୋଲ୍ ହୋଇଛନ୍ତି। ନିକଟରେ ପାକିସ୍ତାନରେ ହୋଇଥିବା ରେଲ ଦୁର୍ଘଟଣାକୁ ଦେଇ ସେ ଏମିତି ଏକ ହାସ୍ୟାସ୍ପଦ ବୟାନ ଦେଇଛନ୍ତି। ନାୟଲା ଇନାୟତ ନାମକ ପାକିସ୍ତାନର ଜଣେ ଖବରଦାତା ରସିଦଙ୍କର ଏକ ଛୋଟ ଭିଡିଓକୁ ଶେୟାର କରିବା ପରେ ଏହା ସାମ୍ନାକୁ ଆସିଛି। ଉକ୍ତ ଭିଡିଓରେ ଖବରଦାତା ପାକିସ୍ତାନ ଟ୍ରେନ୍ ପୋଡି କଥା ପଚାରୁଥିବା ବେଳେ ଏହାର ଉତ୍ତରରେ ରସିଦ କହିଛନ୍ତି, ପ୍ରକୃତରେ ଟ୍ରେନ୍ରେ ଥିବା ଜଳଖିଆରେ ନିଆଲାଗି ଫାଟିଯିବାରୁ ଏହାପରେ ସେଠାରେ ଥିବା ସିଲିଣ୍ଡର ଓ ଚୁଲା ଫାଟିଯାଇଥିଲା ଓ ଟ୍ରେନ୍ରେ ନିଆଁ ଲାଗିଯାଇଥିଲା। ଏହାକୁ ଦେଖି ସୋସିଆଲ ମିଡିଆ ୟୁଜର୍ସ ରସିଦଙ୍କ ମଜା ଉଡାଇଛନ୍ତି। ଜଣେ ୟୁଜର ଲେଖିଛନ୍ତି ପାକିସ୍ତାନରେ ଏବେ ତ ସବୁ ଫାଟିବ। ଆଉଜଣେ ୟୁଜର ଲେଖିଛନ୍ତି ପାକିସ୍ତାନ ରେଳମନ୍ତ୍ରୀଙ୍କ କଥାକୁ କେବଳ ପାକିସ୍ତାନ ପ୍ରଧାନମନ୍ତ୍ରୀ ଇମ୍ରାନ ଖାଁ ହିଁ ବୁଝିପାରିବେ। ସୂଚନାଯୋଗ୍ୟ, ନିକଟରେ କରାଚି-ରାଓ୍ବଲପିଣ୍ଡି ତେଜଗାମ ଏକ୍ସପ୍ରେସରେ ନିଆଁ ଲାଗିଯିବାରୁ ୭୪ ଜଣଙ୍କର ମୃତ୍ୟୁ ହୋଇଥିଲା।