କରାଚୀ,୩।୮(ପିଟି)- ଲୋକପ୍ରିୟ ପାକିସ୍ତାନୀ ଅଭିନେତ୍ରୀ ମଓ୍ବେିଶ ହୟାତ ଦେଶରେ ଫିଲ୍ଡ ହକିକୁ ଉଜ୍ଜୀବିତ ରଖିବା ପାଇଁ ପ୍ରୟାସ ଆରମ୍ଭ କରିଛନ୍ତି। ହୟାତ ସ୍ଥାନୀୟ ଅବଦୁଲ ସତ୍ତାର ଇଧି ହକି ଷ୍ଟାଡିୟମଠାରେ ଚାଲିଥିବା ଜାତୀୟ ଚାମ୍ପିୟନଶିପବେଳେ ପହଞ୍ଚତ୍ ସଭିଙ୍କୁ ଚକିତ କରିଦେଇଥିଲେ। ସେଠାରେ ସେ ଖେଳାଳିଙ୍କୁ ଭେଟିବା ସହ ହକି ଖେଳିଥିଲେ। ହକି ଆମ ଦେଶର ଜାତୀୟ କ୍ରୀଡ଼ା। ଏହା ଦେଶ ପାଇଁ ବହୁ ସଫଳତା ଆଣି ଦେଇଛି। ଆମେ ୪ ଥର ବିଶ୍ୱକପ୍, ୩ ଥର ଅଲିମ୍ପିକ୍ ଓ ଏସିଆନ୍ ଗେମ୍ସ ସ୍ବର୍ଣ୍ଣ ପଦକ ପାଇଛୁ। ତେବେ ହକିକୁ କେଉଁ କାରଣରୁ ହେଳା କରାଯାଉଛି ବୋଲି ହୟାତ ପ୍ରଶ୍ନ କରିଛନ୍ତି। ହୟାତ ଦେଶର ଶ୍ରେଷ୍ଠ ଅଭିନେତ୍ରୀଙ୍କ ମଧ୍ୟରେ ଅନ୍ୟତମ। ତାଙ୍କୁ ଦେଶର ଶୀର୍ଷ ସମ୍ମାନ ତାମଘା ଇ ଇମତିଆଜ ମିଳିସାରିଛି। ଉଲ୍ଲେଖଥାଉ କି, ପାକିସ୍ତାନ ହକି ଫେଡେରେଶନ ଏବେ ଆର୍ଥିକ ସମସ୍ୟା ଦେଇ ଗତି କରୁଛି। ଫେଡେରେଶନ ତା’ର ଦୌନିକ ଖର୍ଚ୍ଚ ନିର୍ବାହ ପାଇଁ କ୍ରୀଡ଼ା ମନ୍ତ୍ରଣାଳୟଠାରୁ ଆର୍ଥିକ ସହାୟତା ଲାଗି ଅନୁରୋଧ କରିଛି।