ଢେଙ୍କାନାଳ ଅଫିସ,୨୭ା୧୨- ଢେଙ୍କାନାଳ ଜିଲା ବିଜ୍ଞାନକେନ୍ଦ୍ରରେ ସମସ୍ତ ବ୍ୟବସ୍ଥା ସତ୍ତ୍ୱେ ଗୁରୁବାର ମେଘୁଆପାଗ ଯୋଗୁ ଆସିଥିବା ସ୍କୁଲ, କଲେଜ ଛାତ୍ରୀଛାତ୍ର ଟେଲିସ୍କୋପ୍ ଯୋଗେ ସୂର୍ଯ୍ୟୋପରାଗ ଦେଖିବାରୁ ବଞ୍ଚିତ ହୋଇଛନ୍ତି। ପ୍ରାୟ ଦେଢଘଣ୍ଟା ଧରି ଲମ୍ବା ଧାଡିରେ ଛିଡାହୋଇ ଥିଲେ ବି ଶେଷରେ ନିରାଶ ହୋଇ ସେମାନେ ଫେରିଯାଇଥିଲେ।
ପ୍ରକାଶ ଯେ, ଚଳିତବର୍ଷ ସୂର୍ଯ୍ୟୋପରାଗ ଦେଖିବା ପାଇଁ ଜିଲା ବିଜ୍ଞାନ କେନ୍ଦ୍ର ବାହାରେ କର୍ତ୍ତୃପକ୍ଷ ଟେଲିସ୍କୋପ୍ ଓ ସ୍କ୍ରିନ୍ ବ୍ୟବସ୍ଥା କରିଥିଲେ। ଏଥିପାଇଁ ସକାଳୁ କେନ୍ଦ୍ରର ଅଧିକାରୀ ଓ କର୍ମଚାରୀମାନେ ମଧ୍ୟ ନିଜେ ପ୍ରସ୍ତୁତ ହୋଇ ରହିଥିଲେ। ପୂର୍ବରୁ ବିଜ୍ଞାନ କେନ୍ଦ୍ର ପକ୍ଷରୁ ଏ ସମ୍ପର୍କରେ ବିଭିନ୍ନ ସୋସିଆଲ ମିଡିଆରେ ପ୍ରଚାର ପ୍ରସାର କରାଯାଇଥିବାରୁ ସୂର୍ଯ୍ୟୋପରାଗ ଦେଖିବା ପାଇଁ ଗୁରୁବାର ସକାଳ ସାଢ଼େ ୭ଟା ବେଳକୁ ସ୍କୁଲ, କଲେଜ ଛାତ୍ରୀଛାତ୍ର ମାନଙ୍କ ବେଶ୍ ଗହଳି ଲାଗିଥିଲା। କିନ୍ତୁ ମେଘୁଆ ପାଗ ଲାଗି ରହିବା ଯୋଗୁ ସୂର୍ଯ୍ୟୋପରାଗ ଟେଲିସ୍କୋପ ମାଧ୍ୟମରେ ଦୃଶ୍ୟମାନ ହେଲାନାହିଁ।
