ପାଟନା,୪।୮: ବିହାର ଧୋରାଇୟା ଅଞ୍ଚଳରେ ଥିବା ବାଙ୍କାରେ ରବିବାର ଏକ ମାଟି ପାଚେରି ଭୂଷୁଡି ଯିବାରୁ ୪ ଶିଶୁଙ୍କ ମୃତ୍ୟୁ ହୋଇଥିବା ଜଣାପଡିଛି। ଏଥିରେ ଅନ୍ୟ ଜଣେ ଶିଶୁ ଗୁରୁତର ଆହତ ହୋଇ ଚିକିତ୍ସିତ ହେଉଛନ୍ତି। ସୂଚନାଯୋଗ୍ୟ, ପିଲାମାନେ ଏକ ଗଳିରେ ଖେଳୁଥିବା ସମୟରେ ସେଠାରେ ଥିବା ମାଟି ପାଚେରିଟି ବର୍ଷାରେ ଭିଜି ଯାଇ ପିଲାମାନଙ୍କ ଉପରେ ଭୂଷୁଡି ପଡିଥିଲା। ମୃତ ପିଲାଙ୍କ ବୟସ ୬-୮ ବର୍ଷ ମଧ୍ୟରେ ହୋଇଥିବା ବେଳେ ସମସ୍ତଙ୍କ ମୃତ ଦେହକୁ ଗ୍ରାମବାସୀଙ୍କ ସହାୟତାରେ ମାଟିତଳୁ ବାହାର କରାଯାଇଛି।