ନିରାକାରପୁର,୨୨।୧୧(ଡି.ଏନ.ଏ): ଖୋର୍ଦ୍ଧା ଜିଲା ଟାଙ୍ଗୀ ବନ ବିଭାଗ ଅଧୀନରେ ଥିବା ବାଘେପୁଟ ମୌଜା ଖଦେଇ ଗହୀର ମଲାଗୁଣୀ ନଦୀ ପଠା ଉପରେ ପାଣିରେ ପଡି ଏକ ଦନ୍ତା ହାତୀର ମୃତ୍ୟୁ ଘଟିଛି। ମୃତ ହାତୀର ବୟସ ୨୦ରୁ ୨୫ ବର୍ଷ ହେବ ବୋଲି ଜଣାପଡିଛି। ବନ ବିଭାଗ କର୍ମଚାରୀମାନେ ଘଟଣାସ୍ଥଳରେ ପହଞ୍ଚି ହାତୀର ମୃତଦେହ ଉଦ୍ଧାର କରିଛନ୍ତି। ସ୍ଥାନୀୟ ଲୋକଙ୍କ କହିବାନୁଯାୟୀ, ଗୁରୁବାର ରାତିରେ ହାତୀପଲ ବାଘେପୁଟ ମୌଜା ଅଞ୍ଚଳକୁ ପଶିଆସିଥିଲେ। ମୃତ ହାତୀଟି ଦୁର୍ଭାଗ୍ୟବଶତଃ ପାଣିରେ ପଡିଯିବାରୁ ଉଠିପାରିନ ଥିଲା। ଫଳରେ ତାର ମୃତ୍ୟୁ ହୋଇଥିଲା।