କୋରୁକୋଣ୍ଡା,୧୫।୭(ଡି.ଏନ୍.ଏ.) : ମାଲକାନଗିରି ଜିଲା ଗଙ୍ଗଲା ଆବାସିକ ବିଦ୍ୟାଳୟର ପ୍ରଥମ ଶ୍ରେଣୀ ଛାତ୍ର ଅମିତ କାଲେକୁରା ଶୌଚ ପାଇଁ ବିଦ୍ୟାଳୟ ବାହାରକୁ ଯାଇଥିବାବେଳେ ପାଣିରେ ବୁଡ଼ି ମୃତ୍ୟୁ ଘଟିଛି। ତେବେ ହଷ୍ଟେଲରେ ରହୁଥିବା ଛାତ୍ର କିଭଳି ବାହାରକୁ ଗଲେ ସେନେଇ ପ୍ରଶ୍ନ ଉଠିଥିବାବେଳେ ସେବାଶ୍ରମ କର୍ମଚାରୀଙ୍କ ଅବହେଳା ଯୋଗୁ ଏହି ଅଘଟଣ ଘଟିଥିବା ଅଭିଯୋଗ ହେଉଛି। ମୃତ ଛାତ୍ରଙ୍କୁ ପାଣ୍ଡ୍ରିପାଣି ଗୋଷ୍ଠୀ ସ୍ବାସ୍ଥ୍ୟକେନ୍ଦ୍ରରେ ରଖାଯାଇଛି। ଘଟଣାସ୍ଥଳରେ ମାଲକାନଗିରି ପୋଲିସ ପହଞ୍ଚି ତଦନ୍ତ ଆରମ୍ଭ କରିଛି। ବିଦ୍ୟାଳୟ ପରିସରରେ ଛାତ୍ରୀଛାତ୍ର ଏବଂ ଅଭିଭାବକମାନେ ପହଞ୍ଚି ପିଲାଙ୍କୁ ହଷ୍ଟେଲରୁ ନେଇଯିବା ପାଇଁ ବାହାରିଥିବାବେଳେ ବିଦ୍ୟାଳୟରେ ଉପଜିଲାପାଳ, ପିଏଆଇଟିଡିଏ ପହଞ୍ଚି ପିଲାଙ୍କୁ ବୁଝାଶୁଝା କରୁଛନ୍ତି।