ଭୁବନେଶ୍ୱର, ୧୫-୮: ପାର୍ବଣକୁ ଧ୍ୟାନରେ ରଖି ପାନାସୋନିକ ପକ୍ଷରୁ ନୂଆ କାରାଭାନର ଶୁଭାରମ୍ଭ ଘୋଷଣା କରାଯାଇଛି। କମ୍ପାନୀ ନୂଆ ମାର୍କେଟିଂ କ୍ୟାମ୍ପେନ ଅନ୍ତର୍ଗତ ବିଭିନ୍ନ ପଦକ୍ଷେପ ଗ୍ରହଣ କରୁଛି। ଶହୀଦ ନଗରଠାରେ ଏକ କାର୍ଯ୍ୟକ୍ରମରେ ଏହାକୁ ଆରମ୍ଭ କରାଯାଇଛି। କମ୍ପାନୀର ଡିସପ୍ଲେ କାରାଭାନ ଆକ୍ଟିଭିଟି ଦ୍ୱାରା ଭିନ୍ନ ଭିନ୍ନ ସହରରେ ଏହାର ପ୍ରଡକ୍ଟକୁ ନେଇ ଗ୍ରାହକଙ୍କ ମଧ୍ୟରେ ସଚେତନତା ସୃଷ୍ଟି କରିବ। କାରାଭାନ ରାଜ୍ୟର ବିଭିନ୍ନ ସହର ପରିକ୍ରମା କରିବାର କାର୍ଯ୍ୟକ୍ରମ ରହିଛି। କାରାଭାନରେ କମ୍ପାନୀର ବିଭିନ୍ନ ପ୍ରଡକ୍ଟ ଯଥା-ଏଲ୍ଇଡି, ରେଫ୍ରିଜରେଟର, ଓ୍ବାଶିଂମେଶିନ, ମାଇକ୍ରୋଓଭନ, ଭାକ୍ୟୁମକ୍ଲିନର,ଓ୍ବାଟର – ଏୟାର ପ୍ୟୁରିଫାୟର, ବିୟୁଟି କେୟାର ପ୍ରଡକ୍ଟ, କ୍ୟାମେରା, ହୋମ୍ ଆପ୍ଲାଏନ୍ସ ଭଳି ପ୍ରଡକ୍ଟ ସାମିଲ ରହିଛି। କାର୍ଯ୍ୟକ୍ରମ ଅବସରରେ ପୂର୍ବାଞ୍ଚଳ-୨ ବାଣିଜ୍ୟ ମୁଖ୍ୟ ସନ୍ତୋଷ କୁମାର ସାମନ୍ତରାୟ, ଓଡ଼ିଶା ବାଣିଜ୍ୟ ମୁଖ୍ୟ ଦୁର୍ଗେସ ଶୁକ୍ଳା, ରାଜ ଇଲେକଟ୍ରୋନିକ୍ସ ସ୍ବତ୍ତ୍ୱାଧିକାରୀ ପ୍ରକାଶ କୁମାର ବିଶ୍ୱାଳ, ଗୁପ୍ତା ଡିଷ୍ଟ୍ରିବ୍ୟୁଟର୍ସ ଓନର ରାଜେଶ ଗୁପ୍ତା, ମହାବୀର ଏଜେନ୍ସି ମୁଖ୍ୟ ମନମୋହନ ଖୁଣ୍ଟିଆ ପ୍ରମୁଖ ଉପସ୍ଥିତ ଥିଲେ।