ପାନିଆ ବାଦ୍ୟକାର ଗଣେଶଙ୍କୁ ମିଳିଛି ସ୍ବୀକୃତି, ମିଳୁନି ଭତ୍ତା

କେନ୍ଦ୍ରାପଡ଼ା ଅଫିସ, ୧୦ା୨:କେନ୍ଦ୍ରାପଡ଼ା ବ୍ଲକ ବଡମାଣତିଆ ଗ୍ରାମର ପାନିଆ ବାଦ୍ୟକାର ଗଣେଶ ଚନ୍ଦ୍ର ରାଉତଙ୍କୁ ସଙ୍ଗୀତ ମୂର୍ଚ୍ଛନା ଓ ଲଳିତ କଳା ସଂସ୍କୃତି ଏକାଡେମୀ ପକ୍ଷରୁ ଓଡ଼ିଶା ରତ୍ନ ସମ୍ମାନରେ ସମ୍ମାନିତ କରାଯାଇଛି। ଭୁବନେଶ୍ୱରସ୍ଥ ଭଞ୍ଜ କଳାମଣ୍ଡପରେ ଗତ ୩୦ ତାରିଖରେ ଆୟୋଜିତ ସ୍ବତନ୍ତ୍ର ଉତ୍ସବରେ ବାଦ୍ୟକାର ରାଉତଙ୍କୁ ଓଡ଼ିଆ ଭାଷା ସାହିତ୍ୟ ଓ ସଂସ୍କୃତି ବିଭାଗ ନିର୍ଦ୍ଦେଶକ ରଞ୍ଜନ କୁମାର ଦାସ, କଣ୍ଠଶିଳ୍ପୀ ଗୀତା ଦାସ, ଅଭିନେତା ଶ୍ରୀକାନ୍ତ ଗୌତମ, ଗୀତିକାର ଅରୁଣ ମନ୍ତ୍ରୀ ପ୍ରମୁଖ ଅତିଥି ଭାବେ ଯୋଗଦେଇ ସମ୍ବର୍ଦ୍ଧିତ କରିଥିଲେ। ରାଉତଙ୍କୁ ଏପରି ଅନେକ ସ୍ବୀକୃତି ଓ ସମ୍ବର୍ଦ୍ଧନା ମିଳିଥିବା ବେଳେ ତାଙ୍କୁ ସଂସ୍କୃତି ବିଭାଗ ପକ୍ଷରୁ ଅଦ୍ୟାବଧି କଳାକାର ଭତ୍ତା ମିଳୁନାହିଁ। ବାରମ୍ବାର ଭତ୍ତା ପାଇଁ ଆବେଦନ ପତ୍ର ଦେଉଥିଲେ ମଧ୍ୟ ଏହା ବିଚାରକୁ ନିଆଯାଉ ନ ଥିବା ନେଇ ସେ କ୍ଷୋଭ ପ୍ରକାଶ କରିଛନ୍ତି। ତାଙ୍କ ସମ୍ପର୍କରେ କଳାକାର ସଂଘର କର୍ମକର୍ତ୍ତା ସୁବ୍ରତ ରାଉତ କହିଛନ୍ତି ଯେ, ସାଧାରଣ ପ୍ଲାଷ୍ଟିକ ପାନିଆ ଓ ଅତି ପତଳା କାଗଜ ମାଧ୍ୟମରେ ଯେକୌଣସି ସ୍ବର ଦେବାରେ ଗଣେଶ ସିଦ୍ଧହସ୍ତ। ଏଥିପାଇଁ ବିଭିନ୍ନ ସାଂସ୍କୃତିକ କାର୍ଯ୍ୟକ୍ରମରେ ତାଙ୍କୁ ଖୋଜାପଡେ। କେନ୍ଦ୍ରାପଡ଼ା ଜିଲାରେ ନୁହେଁ, ତାଙ୍କର ଏହି ସଙ୍ଗୀତ କଳାଚାତୁରି ପୁରୀ, ଭୁବନେଶ୍ୱର, ରାଉରକେଲା ସହ ରାଜ୍ୟ ବାହାରେ ତାଙ୍କୁ ଏକ ସ୍ବତନ୍ତ୍ର ପରିଚୟ ଦେଇଛି। ଦୀର୍ଘ ୨୫ ବର୍ଷ ଧରି ସଙ୍ଗୀତର ମଧୁର ମୂର୍ଚ୍ଛନା ତୋଳିଧରିଥିବା ଏହି କଳାକାରଙ୍କୁ ଅଦ୍ୟାବଧି କଳାକାର ଭତ୍ତା ମିଳୁନାହିଁ। ସେ ପେସାରେ ଜଣେ ପାଣି ପାଇପ ମିସ୍ତ୍ରି। କେନ୍ଦ୍ରାପଡ଼ା ଗ୍ରାମୀଣ ଜଳ ଯୋଗାଣ କର୍ମଚାରୀ ସଂଘର ସମ୍ପାଦକ ଅଛନ୍ତି। ସ୍ଥାୟୀ ନିଯୁକ୍ତି, ପେନ୍‌ସନ ଓ ସର୍ବନିମ୍ନ ମଜୁରି ପାଇବାକୁ ସଂଘ ଦାବି କରୁଛି। ମାସକୁ ମାତ୍ର ୧୦୦୦ ଟଙ୍କା ମଜୁରିରେ ଘର ଚଳାଉଥିବା ସୁବ୍ରତ କହିଛନ୍ତି। ତବଲା ବାଦକ ସରୋଜକାନ୍ତ ପରିଡା କହିଛନ୍ତି ଯେ, ସାମାନ୍ୟ ପାନିଆରେ ସବୁ ପ୍ରକାର ସ୍ବର ଧରିବାରେ ଗଣେଶ ମାହିର। ଶାସ୍ତ୍ରୀୟ ସଙ୍ଗୀତକୁ ମଧ୍ୟ ସାବଳୀଳ ଭାବେ ସାଧାରଣରେ ଶୁଣାଇ ସେ ବାହା ବାଃ ନେଇଛନ୍ତି। ଲୋକପ୍ରିୟ ହିନ୍ଦୀ ଓ ଓଡ଼ିଆ ଗୀତ, ସିନେମା ସଙ୍ଗୀତ, ଭଜନ ଓ ଜଣାଣ ପରି ସାଂସ୍କୃତିକ କାର୍ଯ୍ୟକ୍ରମରେ ସାମିଲ ହୋଇଥାନ୍ତି। ସଙ୍ଗୀତ ସାଧନା ସମ୍ପର୍କରେ ଗଣେଶ କହିଛନ୍ତି ଯେ, ପିଲାଦିନେ ନଗେଶପୁର ଯାତ୍ରା ଦେଖିବାକୁ ଯାଇଥିଲି। ଏହି ଯାତ୍ରା ଆରମ୍ଭରେ ଜଣେ କଳାକାର ମୁହଁରେ କାଗଜ ଓ ପାନିଆ ରଖି ପାଟି ଭିତରର ପବନ ସାହାଯ୍ୟରେ ସୁନ୍ଦର ସ୍ବର ଦେଉଥିଲେ। ଏହି କଳାକୁ ଆପଣେଇବା ପାଇଁ ପ୍ରଥମେ କଷ୍ଟ ହୋଇଥିଲା। ତେବେ କିଛିଦିନ ମଧ୍ୟରେ ନିଜ ଚେଷ୍ଟାରେ ବହୁ ସ୍ବରକୁ ଆୟତ୍ତ କରିଥିଲି। ଏହି ଲୋକକଳା ଏବେ ବୁଡି ଯିବାକୁ ବସିଛି ବୋଲି ସେ କ୍ଷୋଭର ସହ କହିଛନ୍ତି। ସେ କୁହନ୍ତି, ଆଧୁନିକ ଜ୍ଞାନକୌଶଳରେ ନିର୍ମିତ ବାଦ୍ୟଯନ୍ତ୍ର ଜନସାଧାରଣଙ୍କ ମନକୁ ଯାଉଛି। ତେବେ ନିଜ କଳାରେ ବିଭୋର ଥିବା ଜଣେ କଳାକାର ସର୍ବଦା ଅନ୍ୟଠାରୁ ନିଜେ ବେଶି ଶାନ୍ତି ପାଆନ୍ତି। ପିଲାଳିଆମିରେ ଆରମ୍ଭ କରିଥିବା ଏହି ସ୍ବର ସାଧନା ଯୋଗୁ ସାମ୍ପ୍ରତିକ ସମୟରେ ଦର୍ଶକଙ୍କ ବାହା ବାଃ ପାଉଛନ୍ତି। ଏହି ସ୍ବର ସାଧନା ପାଇଁ ପ୍ଲାଷ୍ଟିକ ପାନିଆ, ଅତି ପତଳା କାଗଜ (ଟିସୁ ପେପର ହେଲେ ଉତ୍ତମ) ଉପକରଣ ଭାବେ ଆବଶ୍ୟକ ଥିବା ବେଳେ ବିଭିନ୍ନ ସ୍ବର ଅନୁକରଣ କରିବାକୁ ସାଧନା ଦରକାର ବୋଲି ସେ ପ୍ରକାଶ କରିଛନ୍ତି। ଏ ସମ୍ପର୍କରେ ଜିଲା ସଂସ୍କୃତି ଅଧିକାରୀ ସୋନାଲି ବେହେରାଙ୍କୁ ପଚାରିବାରେ ଏହି କଳା ଓ କଳାକାରଙ୍କୁ ପ୍ରୋତ୍ସାହିତ କରିବା ଆବଶ୍ୟକ। ତାଙ୍କର ଭତ୍ତା ଆବେଦନ ପତ୍ର ଯାଞ୍ଚ ସରିଛି। ଆଗାମୀଦିନରେ ପ୍ରୋତ୍ସାହନ ରାଶି ମିଳିଯିବ ବୋଲି ସେ କହିଛନ୍ତି।


Enter your email to get our daily news in your inbox.

All Right Reserved By Dharitri.Com

ନିମନ୍ତ୍ରଣ ପତ୍ରରେ ନ ଥିଲା ନାଁ, ଉଦ୍‌ଘାଟନ ଘୁଞ୍ଚିଲା

ସୋନପୁର,୨୧।୯(ମୃତ୍ୟୁଞ୍ଜୟ ଶତପଥୀ): ଓମ୍‌ଫେଡ୍‌ର ସୋନପୁର ଡେଏରୀ ପ୍ଲାଣ୍ଟ (ଦୁଗ୍ଧ କାରଖାନା) ଉଦ୍‌ଘାଟନ ଉତ୍ସବସ୍ଥଳ ଶନିବାର ରଣକ୍ଷେତ୍ର ପାଲଟିଥିଲା। ନିମନ୍ତ୍ରଣ ପତ୍ରରେ ବୀରମହାରାଜପୁର ବିଧାୟକ ଇଂ. ରଘୁନାଥ...

ଓଡ଼ିଶା ଷ୍ଟେଟ ବାର୍‌ କାଉନ୍‌ସିଲ୍‌ ନାମରେ ମୁଖ୍ୟମନ୍ତ୍ରୀଙ୍କୁ ଜାଲ୍‌ ଚିଠି

କଟକ,୨୨ା୯(କାର୍ତ୍ତିକ ସାହୁ): ଓଡ଼ିଶା ଷ୍ଟେଟ ବାର୍‌ କାଉନ୍‌ସିଲ୍‌ ନାମରେ ମୁଖ୍ୟମନ୍ତ୍ରୀଙ୍କୁ ମିଥ୍ୟା ଚିଠି ପ୍ରେରଣ କରାଯାଇଛି। ଉକ୍ତ ଚିଠିରେ ଢେଙ୍କାନାଳ ଜିଲାର ବିଭିନ୍ନ ସ୍ବାସ୍ଥ୍ୟସେବା କେନ୍ଦ୍ରର...

ଥମୁନି ମହିଳାଙ୍କ ଉପରେ ଅତ୍ୟାଚାର, ଅଙ୍ଗନୱାଡି କେନ୍ଦ୍ରରେ କଙ୍ଗାରୁ କୋର୍ଟ

ବାଲେଶ୍ୱର,୨୨ା୯(ବାଞ୍ଛାନିଧି ଦେ): ଅଙ୍ଗନୱାଡ଼ି କେନ୍ଦ୍ରରେ ପଶି କଙ୍ଗାରୁ କୋର୍ଟ କରି କର୍ମୀଙ୍କୁ ଗଛରେ ବାନ୍ଧି ନିସ୍ତୁକ ମାଡ଼ ମାରିବା ଘଟଣା ସାଧାରଣରେ ଆଲୋଡ଼ନ ସୃଷ୍ଟି କରିଛି।...

୫୦ ଟଙ୍କା ନେଇ ଧରାପଡ଼ିଲେ ମୋ ସେବା କେନ୍ଦ୍ର ମାଲିକ

ରାଉରକେଲା,୨୧।୯(ସଙ୍ଗୀତା ଜେନା): ପ୍ଲାଣ୍ଟସାଇଟ୍‌ ଥାନା ଅନ୍ତର୍ଗତ ଷ୍ଟେଶନ ରୋଡ୍‌ରେ ଥିବା ଏକ ମୋ ସେବା କେନ୍ଦ୍ରର ମାଲିକ ସୁଭଦ୍ରା ଯୋଜନା ପାଇଁ ହିତାଧିକାରୀଙ୍କୁ ୫୦ ଟଙ୍କା...

ଲାଞ୍ଚ ନେଇ ଧରା ପଡିଲେ ୨ ପୋଲିସ ବାବୁ, ଜବତ ବାଇକ୍‌ ଫେରାଇବା ପାଇଁ…

ନବରଙ୍ଗପୁର,୨୧।୯: ଲାଞ୍ଚ ନେଇ ଧରାପଡ଼ଛନ୍ତି ୨ ପୋଲିସ କର୍ମଚାରୀ। ନବରଙ୍ଗପୁର ପାପଡ଼ାହାଣ୍ଡି ଥାନାର ୨ କର୍ମଚାରୀ ଲାଞ୍ଚ ନେଉଥିବା ଅବସ୍ଥାରେ ଧରା ପଡିଛନ୍ତି। ସେମାନେ ହେଲେ...

ମହୁମାଛି ନେଇଗଲେ ଜୀବନ…

ଲାଞ୍ଜିଗଡ଼,୨୧ା୯(ରମେଶ ଚନ୍ଦ୍ର ନାୟକ): କଳାହାଣ୍ଡି ଜିଲା ଲାଞ୍ଜିଗଡ ବ୍ଲକ ବିଜେପୁର ଥାନା ଅନ୍ତର୍ଗତ ବେନଗାଁ ପଞ୍ଚାୟତର ବେତିଆପଡା ଗାଁରେ ମହୁମାଛି ଆକ୍ରମଣରେ ଜଣେ ବ୍ୟକ୍ତି ପ୍ରାଣ...

ଗୋଟିଏ ଟ୍ରାକ୍‌ରେ ୨ ଟ୍ରେନ୍‌ ସାମ୍‌ନା ସାମ୍‌ନି

ରାଉରକେଲା,୨୧।୯(ଦିନେଶ ମିଶ୍ର): ରାଉରକେଲା ବାସନ୍ତୀ ରେଲୱେ ଓଭରବ୍ରିଜ ନିକଟରେ ଶନିବାର ଗୋଟିଏ ରେଳ ଦୁର୍ଘଟଣା ଟଳିଯାଇଛି। ଗୋଟିଏ ରେଳ ଟ୍ରାକ୍‌ରେ ଗୋଟିଏ ମାଲବାହୀ ଓ ଅନ୍ୟଟି...

ଯାଆଁଳା ଉଉଣୀଙ୍କୁ ଚାପିଦେଲା ଟ୍ରକ, ଆଉ ତା’ପରେ…

ଢେଙ୍କାନାଳ,୨୧।୯: ପୁରୁଣାକଟକ-ସମ୍ବଲପୁର ରାସ୍ତା ଶୁକିଆବାଉତି ଛକରେ ରବିବାର ଏକ ମର୍ମନ୍ତୁଦ ଦୁର୍ଘଟଣା ଘଟିଛି। ଏକ ଟ୍ରକ ଚାପାରେ ଦୁଇ ଯାଆଁଳା ଉଉଣୀଙ୍କ ମୃତ୍ୟୁ ଘଟିଥିବା ବେଳେ...

Advertisement

ଧରିତ୍ରୀ କାର୍ଟୁନ

Archives
Model This Week

ପିଲାଙ୍କ ଧରିତ୍ରୀ

Why Dharitri