ପାରାଦୀପ,୯।୧୧(ସ୍ବ.ପ୍ର.): ଦକ୍ଷିଣ-ପଶ୍ଚିମ ବଙ୍ଗୋପସାଗରରେ ସୃଷ୍ଟ ଲଘୁଚାପଜନିତ ବାତ୍ୟା ‘ବୁଲ୍ବୁଲ୍’ର ପ୍ରଭାବ ରାଜ୍ୟର ବିଭିନ୍ନ ଅଞ୍ଚଳରେ ଦେଖିବାକୁ ମିଳିଛି। ଏହା ପ୍ରଭାବରେ ପାରାଦୀପ ଅଞ୍ଚଳରେ ବ୍ୟାପକ କ୍ଷୟକ୍ଷତି ଘଟିଛି। ଗତ ଗୁରୁବାରଠାରୁ ଆରମ୍ଭ ହୋଇଥିବା ବର୍ଷା ଶୁକ୍ରବାର ମଧ୍ୟରାତିରୁ ଆହୁରି ବଢ଼ିଛି। ପବନର ବେଗ ମଧ୍ୟ ବଢ଼ିବାକୁ ଲାଗିଛି। ଏହାର ପ୍ରଭାବରେ ପାରାଦୀପ ଶିଳ୍ପାଞ୍ଚଳ ଓ ପାର୍ଶ୍ୱବର୍ତ୍ତୀ ଅଞ୍ଚଳରେ ବଡ଼ ବଡ଼ ଗଛ ପଡ଼ି କେତେକ ସ୍ଥାନରେ ରାସ୍ତା ଅବରୋଧ ହୋଇଛି। ଗଛକାଟିବା ଲାଗି ଓଡ୍ରାଫ୍ କର୍ମଚାରୀ ନିୟୋଜିତ ଅଛନ୍ତି। କେତେକ ସ୍ଥାନରେ ବିଦ୍ୟୁତ୍ ସେବା ମଧ୍ୟ ବନ୍ଦ ରହିଛି।