ଚିକିଟିି,୧୦ା୧୧(ଡି.ଏନ.ଏ.)- ଚିକିଟି ବ୍ଲକ୍ ଅନ୍ତର୍ଗତ ଚାନ୍ଦପୁର ବଜାରରେ ଚାଲିଥିବା ରାମଚରିତ ମାନସ ପାରାୟଣସ୍ଥଳରେ ଥିବା ୪ଟି ହୁଣ୍ଡିରୁ ଶୁକ୍ରବାର ମଧ୍ୟରାତ୍ରିରେ ଟଙ୍କା ଚୋରି ହୋଇଛି। ଏହାକୁ ନେଇ ଶ୍ରଦ୍ଧାଳୁଙ୍କ ମଧ୍ୟରେ ଅସନ୍ତାଷ ଦେଖାଦେଇଛି। ଗତ ୩୧ ତାରିଖରୁ ଚାନ୍ଦପୁର ବଜାରରେ ଅଞ୍ଚଳବାସୀଙ୍କ ସହଯୋଗରେ ରାମ ଚରିତ ମାନସ ପାରାୟଣ ଚାଲିଛି। ସେଠାରେ ପ୍ରତିଦିନ ପୂଜା, ହୋମଯଜ୍ଞ ହେଉଛି। ବିଭିନ୍ନ ସ୍ଥାନରୁ ଭକ୍ତମାନେ ଆସି ପାରାୟଣରେ ସାମିଲ ହେଉଥିଲେ ା କାର୍ତ୍ତିକ ମାସ ହେତୁ ପ୍ରତ୍ୟେକ ଦିନ ପ୍ରାୟ ୨ରୁ ୩ହଜାର ଲୋକଙ୍କ ସମାଗମ ହେଉଥିଲା। ଶୁକ୍ରବାର ବିଳମ୍ବିତ ରାତିରେ ପାରାୟଣ ସ୍ଥଳ ନିଛାଟିଆ ଥିବା ବେଳେ ସେଠାରେ ଥିବା ୭ ହୁଣ୍ଡି ମଧ୍ୟରୁ ୪ଟିକୁ କେହି ଦୁର୍ବୃତ୍ତ ଭାଙ୍ଗି ଟଙ୍କା ଲୁଟି ନେଇଥିବା କମିଟି ପକ୍ଷରୁ ସଭାପତି ଗୋବିନ୍ଦ ଚନ୍ଦ୍ର ସାହୁ ଓ ଓ ସମ୍ପାଦକ ବନ ପ୍ରଧାନଙ୍କ ସମେତ ସଭ୍ୟମାନେ ମୌଖିକ ଭାବେ ନୂଆପଡା ଫାଣ୍ଡିରେ ଅଭିଯୋଗ କରିଛନ୍ତିି ା ଫାଣ୍ଡି ଅଧିକାରୀ କେ.ସି. ବେହେରା ଘଟଣାର ତଦନ୍ତ ଚାଲୁ ରହିଥିବା କହିଛନ୍ତିି ା