ପାହାଡ଼ରୁ ନାବାଳକଙ୍କ କଙ୍କାଳ ଉଦ୍ଧାର: ହତ୍ୟା ସନ୍ଦେହ, ଜଣେ ଅଟକ
7:42 amNovember 16, 2019 / 21

ବୁଗୁଡ଼ା,୧୬ା୧୧(ଡି.ଏନ.ଏ.)-ଗଞ୍ଜାମ ଜିଲା ଚିକିଟି ନିକଟସ୍ଥ ଦିଗବାରିଣୀ ପାହାଡ଼ରୁ ଶୁକ୍ରବାର ବୁଗୁଡ଼ା ପୋଲିସ ଜଣେ ନାବାଳକଙ୍କ କଙ୍କାଳ ଉଦ୍ଧାର କରିଛି। ନାବାଳକ ଜଣକ ହେଲେ ଝୋଲରୀ ଗ୍ରାମର ପରମେଶ୍ୱର ଜେନାଙ୍କ ପୁଅ ଯଜ୍ଞସେନ (୧୫)। ଅଞ୍ଜଳିଙ୍କ ଏତଲା କ୍ରମେ ପୋଲିସ ନଂ. ୨୬୫/୧୯ରେ ମାମଲା ରୁଜୁ କରି ଜରଡ଼ା ଥାନା ହରଡ଼ାମରା ଗ୍ରାମର କୃଷ୍ଣଚନ୍ଦ୍ର ଗୌଡ଼ଙ୍କୁ ଅଟକ ରଖିଛି।
ଯେ, ସେପ୍ଟେମ୍ବର ୨ ତାରିଖରେ କୃଷ୍ଣଚନ୍ଦ୍ର ଯଜ୍ଞସେନଙ୍କୁ ତାଙ୍କ ବଡ଼ଭାଇ ପାଖରେ ଛାଡ଼ିଦେବି କହି ଜବରଦସ୍ତି ନେଇଯାଇଥିଲେ। ସେହିଦିନଠାରୁ ଯଜ୍ଞସେନ ବଡ଼ ଭାଇ ପାଖରେ ନ ଥିଲେ କି ତାଙ୍କର କୌଣସି ପତ୍ତା ମିଳି ନ ଥିଲା। ପୁଅ କେଉଁଠି ଅଛି ଆଣିକି ଦିଅ ବୋଲି ଅଞ୍ଜଳି କୃଷ୍ଣଙ୍କୁ ପଚାରିବାରୁ ସେ ସମୟ ଗଡ଼ାଉଥିଲେ। କିନ୍ତୁ ନ ଆଣିବାରୁ ଅଞ୍ଜଳି ଗୁରୁବାର ଥାନାରେ ଅଭିଯୋଗ କରିଥିଲେ। ବୁଗୁଡ଼ା ପୋଲିସ ତଦନ୍ତ ଆରମ୍ଭ କରି କେ.ନୂଆଗାଁ ପୋଲିସ ସହାୟତାରେ ଅପରାହ୍ନରେ ଯଜ୍ଞସେନଙ୍କ କଙ୍କାଳ ଦିଗବାରିଣୀ ପାହାଡ଼ରୁ ଉଦ୍ଧାର କରିଥିଲା। କୌଣସି କାରଣରୁ ନାବାଳକଙ୍କୁ କୃଷ୍ଣ ହତ୍ୟା କରି ପାହାଡ଼ରେ ଫୋପାଡ଼ି ଦେଇଥିବା ପୋଲିସ ସନ୍ଦେହ କରୁଛି।