ନୂଆଦିଲ୍ଲୀ,୨୩।୧୦: ପିଇବା ପାଣି ଏବେ ମୁଖ୍ୟ ସମସ୍ୟା ଭାବେ ଦେଖାଦେଇଛି। ଏହାକୁ ନେଇ ୨୦୧୭ରେ ଦେଶର ୧୨ଟି ରାଜ୍ୟରେ ୫୦ ଜଣଙ୍କୁ ହତ୍ୟା କରାଯାଇଥିବା ଜାତୀୟ ଅପରାଧ ରେକର୍ଡ ବ୍ୟୁରୋ(ଏନ୍ସିଆର୍ବି) ପକ୍ଷରୁ ପ୍ରକାଶ ପାଇଥିବା ଏକ ରିପୋର୍ଟରେ ଦର୍ଶାଯାଇଛି। ମଧ୍ୟପ୍ରଦେଶ ଓ ମହାରାଷ୍ଟ୍ର ଏହି ତାଲିକାରେ ଏକ ନମ୍ବର ସ୍ଥାନରେ ରହିଛନ୍ତି। ପିଇବା ପାଣି ପାଇଁ ଘଟିଥିବା ହିଂସାକାଣ୍ଡରେ ମଧ୍ୟପ୍ରଦେଶରେ ୧୪ ଏବଂ ମହାରାଷ୍ଟ୍ରରେ ୧୪ ଜଣ ଲୋକଙ୍କୁ ହତ୍ୟା କରାଯାଇଛି। ସେହିପରି ଗୁଜରାଟ, ପଞ୍ଜାବ, ବିହାର, କର୍ନାଟକ, ଉତ୍ତରପ୍ରଦେଶ, ଛତିଶଗଡ଼, ହିମାଚଳପ୍ରଦେଶ, ଜମ୍ମୁ-କଶ୍ମୀର, ତାମିଲନାଡୁ ଏବଂ ତେଲେଙ୍ଗାନାରେ ୨୨ ଜଣଙ୍କୁ ହତ୍ୟା କରାଯାଇଛି। ଜଳ ସଙ୍କଟ ଯୋଗୁ ଏସବୁ ରାଜ୍ୟରେ ଅଧିକାଂଶ ସମୟରେ ହଂସାକାଣ୍ଡ ଘଟୁଥିବା ରିପୋର୍ଟରେ ପ୍ରକାଶ ପାଇଛି।