ମୁମ୍ବାଇ,୭।୫: ପ୍ରଧାନମନ୍ତ୍ରୀ ଗରିବ କଲ୍ୟାଣ ପ୍ୟାକେଜ (ପିଏମ୍ଜିକେପି) ବାବଦକୁ ସରକାର ୩୪,୮୦୦ କୋଟି ଟଙ୍କାର ସହାୟତା ପ୍ରଦାନ କରିଛନ୍ତି। ପ୍ରାୟ ୩୯ କୋଟି ହିତାଧିକାରୀଙ୍କୁ ଡିଜିଟାଲ ପେମେଣ୍ଟ ଭିତ୍ତିଭୂମିରେ ଏହି ସହାୟତା ଯୋଗାଇ ଦିଆଯାଇଛି। ଲକ୍ଡାଉନରେ ବର୍ତ୍ତମାନ ଗରିବ ଲୋକମାନେ ଫସି ରହିଥିବାରୁ ବିଭିନ୍ନ ଅସୁବିଧା ସାମ୍ନା କରୁଛନ୍ତି। ସରକାର ଘୋଷଣା କରିଥିବା ୧.୭୦ ଲକ୍ଷ କୋଟି ଟଙ୍କାର ପ୍ୟାକେଜ ଅନ୍ତର୍ଗତ ଏହି ଅର୍ଥ ରାଶି ରହିଛି। ମାର୍ଚ୍ଚ ୨୬ରେ ଅର୍ଥମନ୍ତ୍ରୀ ନିର୍ମଳା ସୀତାରାମନ ଏହି ଆର୍ଥତ୍କ ପ୍ୟାକେଜ ସମ୍ପର୍କରେ ଘୋଷଣା କରିଥିଲେ। ପ୍ୟାକେଜର ପରିଚାଳନା ନେଇ କେନ୍ଦ୍ର ଏବଂ ରାଜ୍ୟ ସରକାର ନିୟମିତ ଭାବେ ସମୀକ୍ଷା କରୁଛନ୍ତି। ପିଏମ୍ କିଷାନର ପ୍ରଥମ କିସ୍ତି ଭାବେ ମେ ୫ରେ ସରକାର ୧୬,୩୯୪ କୋଟି ପ୍ରଦାନ କରିଥିଲେ। ଏଥିରେ ୮.୧୯ କୋଟି ହିତାଧିକାରୀଙ୍କୁ ସେମାନଙ୍କ ଆକାଉଣ୍ଟରେ ସିଧାସଳଖ ୨ ଟଙ୍କା ଲେଖାଏ ଦିଆଯାଇଥିଲା।
ସେହିଭଳି ୨୦.୦୫ କୋଟି ମହିଳାଙ୍କ ଜନଧନ ଖାତାରେ ୧୦,୦୨୫ କୋଟି ଟଙ୍କା ପ୍ରଦାନ କରାଯାଇଛି। ଦ୍ୱିତୀୟ କିସ୍ତିରେ ୫.୫୭ କୋଟି ମହିଳାଙ୍କ ଜନଧନ ଖାତାରେ ୨୭୮୮ କୋଟି ଦିଆଯାଇଛି। ନ୍ୟାଶନାଲ ସୋସିଆଲ ଆସିଷ୍ଟାନ୍ସ ପ୍ରୋଗ୍ରାମରେ ୨.୮୨ କୋଟି ହିତାଧିକାରୀଙ୍କୁ ୧୪୦୦