ମୁମ୍ବାଇ,୬।୧୦: ପଞ୍ଜାବ ମହାରାଷ୍ଟ୍ର ସମବାୟ ବ୍ୟାଙ୍କ(ପିଏମ୍ସି) ବ୍ୟାଙ୍କ ଦୁର୍ନୀତିର ପର୍ଦ୍ଦାଫାଶ୍ ହୋଇଛି। ମୁମ୍ବାଇ ପୋଲିସର ଅପରାଧ ଶାଖା ପକ୍ଷରୁ ଏନେଇ ଖୋଳତାଡ଼ ଆରମ୍ଭ ହୋଇଛି। ବ୍ୟାଙ୍କରେ ୨୧ ହଜାର ୪୯ ନକଲି ସଞ୍ଚୟ ଖାତା ରହିଛି। ସେଥିମଧ୍ୟରୁ ଅଧିକାଂଶ ଭୂତ ଖାତା ରହିଛି। ଏସବୁ ଖାତା ଧାରକଙ୍କ ମୃତ୍ୟୁ ବହୁପୂର୍ବରୁ ହୋଇସାରିଛି ବୋଲି ପୋଲିସ ପକ୍ଷରୁ ସୂଚନା ଦିଆଯାଇଛି। ଭାରତୀୟ ରିଜର୍ଭ ବ୍ୟାଙ୍କ ପକ୍ଷରୁ ପ୍ରଥମେ ୪୪ଟି ଖାତାର ଯାଞ୍ଚ୍ କରାଯାଇଥିଲା ସେଥିମଧ୍ୟରୁ କେବଳ ୧୦ ଠିକ୍ ଥିବା ଜଣାପଡ଼ିଥିଲା। ବ୍ୟାଙ୍କରେ ୩ ହଜାର କୋଟି ଟଙ୍କାର ପାଣ୍ଠି ଅଭାବ ଦେଖାଯିବାର ଆଶଙ୍କା ସୃଷ୍ଟି ହୋଇଛି। ଭାରତୀୟ ରିଜର୍ଭ ବ୍ୟାଙ୍କ ପକ୍ଷରୁ ୧୯୪୯ ସେକସନ୍ ୩୫-ଏ ଅନ୍ତର୍ଗତ ପିଏମ୍ସି ଉପରେ ପ୍ରତିବନ୍ଧକ ଲଗାଯାଇଛି। ଏହାଦ୍ୱାରା ବ୍ୟାଙ୍କରେ କୌଣସି ସ୍ଥାୟୀ ଜମା ଖାତା ଖୋଲାଯାଇପାରିବ ନାହିଁ। ଏହା ସହିତ ବ୍ୟାଙ୍କ ଋଣ ମଧ୍ୟ ଦେଇପାରିବ ନାହିଁ