ଲାହୋର,୧୬।୩- ଲାହୋର କ୍ୱାଲାଣ୍ଡର୍ସ ଦଳକୁ ସେମିଫାଇନାଲରେ ପହଞ୍ଚାଇଥିବା ଅଷ୍ଟ୍ରେଲିଆନ ଟପ୍ ଅର୍ଡର ବ୍ୟାଟ୍ସମ୍ୟାନ କ୍ରିସ ଲିନ ପିଏସ୍ଏଲରୁ ଓହରିବାକୁ ନିଷ୍ପତ୍ତି ନେଇଛନ୍ତି। କରୋନା ଭାଇରସ ଯୋଗୁ ସେ ସୋମବାର ଅଷ୍ଟ୍ରେଲିଆ ଫେରିଯିବେ। ତେବେ ସମାନ କାରଣରୁ ବହୁ ବିଦେଶୀ ଖେଳାଳି ପିଏସ୍ଏଲ ଛାଡ଼ି ସ୍ବଦେଶ ଫେରିଛନ୍ତି। ଦୁର୍ଭାଗ୍ୟବଶତଃ ଏଭଳି ପରିସ୍ଥିତିରେ ମୁଁ ଘରକୁ ଫେରିବାକୁ ଚିନ୍ତା କରିଛି। କ୍ରିକେଟଠାରୁ ଜୀବନ ଗୁରୁତ୍ୱପୂର୍ଣ୍ଣ। ଲାହୋର କ୍ୱାଲାଣ୍ଡର୍ସ ଦଳ ଫାଇନାଲରେ ଖେଳିବ ମୋର ପୂରା ଭରସା ଅଛି। ପିଏସଏଲ ଜଡ଼ିତ ସମସ୍ତଙ୍କୁ ଧନ୍ୟବାଦ ବୋଲି ଲିନ ଇନ୍ଷ୍ଟାଗ୍ରାମରେ ଲେଖିଛନ୍ତି। ତାଙ୍କ ପୂର୍ବରୁ ଆଲେକ୍ସ ହେଲ୍ସ, ଜାସନ ରୟ, ଜେମ୍ସ ଭିନ୍ସ, କାର୍ଲୋସ ବ୍ରାଥଓ୍ବେଟଙ୍କ ଭଳି ଖେଳାଳି ଓହରି ଯାଇଛନ୍ତି। ଅଷ୍ଟ୍ରେଲିଆରେ ପହଞ୍ଚତ୍ବା ପରେ ସରକାରଙ୍କ ନିାର୍ଦ୍ଦଶ ଅନୁଯାୟୀ, ଲିନଙ୍କୁ କ୍ୱାରାଣ୍ଟାଇନରେ ରହିବାକୁ ପଡ଼ିବ। ରବିବାର ଲିନ ୫୨ ବଲରୁ ଅପରାଜିତ ଶତକ ହାସଲ କରି କ୍ୱାଲାଣ୍ଡର୍ସ ଦଳ ପ୍ରଥମ ଥର ପାଇଁ ସେମିଫାଇନାଲରେ ପ୍ରବେଶ କରିଥିଲା।