ପ୍ୟାରିସ, ୨୩ା୬ (ଏଏଫ୍ପି)- ଡାନି ଆଲ୍ଭେସ୍ ପ୍ୟାରିସ ସେଣ୍ଟ-ଜର୍ମେନ (ପିଏସ୍ଜି)ଦଳ ପରିତ୍ୟାଗ କରିଛନ୍ତି। କୋପା ଆମେରିକାରେ ପେରୁ ବିପକ୍ଷରେ ବ୍ରାଜିଲର ୫-୦ଗୋଲରେ ବିଜୟ ପରେ ସେ ଏହି ଘୋଷଣା କରିଛନ୍ତି। ୩୬ବର୍ଷୀୟ ରାଇଟ୍ ବ୍ୟାକ୍ ବର୍ତ୍ତମାନ ବ୍ରାଜିଲ ଦଳର ଅଧିନାୟକ ଅଛନ୍ତି। ଗତ ଦୁଇ ସିଜନ ଧରି ସେ ଫ୍ରେଞ୍ଚ୍ ଚାମ୍ପିୟନ ଦଳ ସହିତ ରହିଛନ୍ତି। ତାଙ୍କ ଚୁକ୍ତି ମିଆଦ ଶେଷ ହୋଇଯାଇଛି। ସମସ୍ତ ବିଷୟର ଆରମ୍ଭ ଓ ଶେଷ ରହିଛି। ବର୍ତ୍ତମାନ ନିଷ୍ପତ୍ତି ନେବାର ସମୟ ଆସି ପହଞ୍ଚତ୍ଛି ବୋଲି ସେ ଇନ୍ଷ୍ଟାଗ୍ରାମ୍ରେ କହିଛନ୍ତି। ଆଲ୍ଭେସ କେଉଁ ଦଳରେ ଯୋଗ ଦେବେ ତାହା ସ୍ପଷ୍ଟ କରିନାହାନ୍ତି। କିନ୍ତୁ ତାଙ୍କ ଦେଶର ଲିଓନାର୍ଡୋ ନୂଆ ସ୍ପୋର୍ଟିଂ ଡାରେକ୍ଟର ଭାବେ ପିଏସ୍ଜିକୁ ପ୍ରତ୍ୟାବର୍ତ୍ତନ କରିଛନ୍ତି। ଆଘାତଜନିତ କାରଣରୁ ବିଶ୍ୱର ସବୁଠାରୁ ଦାବି ଖେଳାଳି ନେମାରଙ୍କ ଭବିଷ୍ୟତ ନେଇ ନାନା କଳ୍ପନାଜଳ୍ପନା ପ୍ରକାଶ ପାଇଥିବା ବେଳେ ଆଲ୍ଭେସ୍ଙ୍କ ପିଏସଜି ପରିତ୍ୟାଗ ଚର୍ଚ୍ଚାର ବିଷୟ ହୋଇଛି। ଆଲ୍ଭେସ ଏବଂ ନେମାର ୨୦୧୭ରେ ଏକ ସମୟରେ ପିଏସ୍ଜିରେ ଯୋଗ ଦେଇଥିଲେ।