ନିରାକାରପୁର, ୧୭।୮(ଡି.ଏନ୍.ଏ.): ଖୋର୍ଦ୍ଧା ଜିଲା ନିରାକାରପୁର ଥାନା ଅନ୍ତର୍ଗତ ୧୬ ନମ୍ବର ଜାତୀୟ ରାଜପଥ ନୂଆ ଜଗନ୍ନାଥ ସଡ଼କର ଏକ ଇଟା କମ୍ପାନୀ ନିକଟରେ ଶନିବାର ଭୋର ସମୟରେ ଏକ ପିକ୍ନିକ୍ ଗାଡ଼ି କାର ଭାଙ୍ଗି ଦୁର୍ବୃତ୍ତମାନେ ସୁନା ଅଳଙ୍କାର ଓ ମୋବାଇଲ ଫୋନ୍ ଲୁଟି ନେଇଛନ୍ତି।
ପ୍ରକାଶ ଯେ, ଗଞ୍ଜାମ ଜିଲା ବ୍ରହ୍ମପୁର କେ. ନୂଆଗାଁ ଥାନା ଅନ୍ତର୍ଗତ ଚିକିଟି ଓ କେ. ନୂଆଗାଁର ଦୁଇଟି ପରିବାର ଜଗନ୍ନାଥ ଦର୍ଶନ ଓ କୋଣାର୍କ ବୁଲିବା ପାଇଁ ଏକ ଭଡ଼ା କାର(ଓଡି୦୨ ୟୁ୯୨୭୩) ଯୋଗେ ଯାଇଥିଲେ। ନୂଆ ଜଗନ୍ନାଥ ସଡ଼କର ଏକ ଇଟା କମ୍ପାନୀ ନିକଟରେ ୫ ଦୁର୍ବୃତ୍ତ ୨ଟି ବାଇକ ଯୋଗେ ଆସି ସେମାନଙ୍କୁ ଅଟକାଇଥିଲେ। ବାଇକ୍ ୨ଟିକୁ କାର ସମ୍ମୁଖରେ ରଖି ସମସ୍ତଙ୍କଠାରୁ ସୁନା ଅଳଙ୍କାର ଓ ମୋବାଇଲ ଫୋନ୍ ଲୁଟିନେଇ ଥାନା ଅଭିଯୋଗେ ଚାଲିଯାଇଥିଲେ। ଏ ନେଇ ଥାନାରେ ଅଭିଯୋଗ ହେବା ପରେ ପୋଲିସ ଘଟଣାର ତଦନ୍ତ ଚଳାଇଛି।
