ନୂଆଦିଲ୍ଲୀ, ୨୯।୫: ସାଧାରଣ ନିର୍ବାଚନରେ କଂଗ୍ରେସର ଶୋଚନୀୟ ପରାଜୟ ପରେ ଏବେ ଗଣମାଧ୍ୟମ ଏବଂ ସୋସିଆଲ ମିଡିଆଠାରୁ ନିଜକୁ ଯଥେଷ୍ଟ ଦୂରେଇ ରଖୁଛନ୍ତି କଂଗ୍ରେସ ଅଧ୍ୟକ୍ଷ ରାହୁଲ ଗାନ୍ଧୀ। ପରାଜୟ ଗ୍ଲାନିକୁ ଭୁଲିବା ପାଇଁ ନିଜ ପୋଷା କୁକୁର ‘ପିଡି’ ସହ ସମୟ କାଟୁଛନ୍ତି। ନିକଟରେ ତାଙ୍କୁ ଦିଲ୍ଲୀର ଏକ ରାସ୍ତାରେ କାର୍ରେ ଯାଉଥିବାର ଦେଖାଯାଇଥିଲା। ରାହୁଲ ନିଜେ କାର ଡ୍ରାଇଭିଂ କରୁଥିଲାବେଳେ ପଛରେ ବସିଥିଲା ପିଡି। ସୂଚନାଯୋଗ୍ୟ, ଲୋକ ସଭା ନିର୍ବାଚନରେ କଂଗ୍ରେସର ପରାଜୟ ପରେ ରାହୁଲ ନିଜକୁ ଦାୟୀ କରି ଅଧ୍ୟକ୍ଷ ପଦରୁ ଇସ୍ତଫା ଦେବାକୁ ଅଡି ବସିଥିଲେ। କିନ୍ତୁ କଂଗ୍ରେସ ଓ୍ବାର୍କିଂ କମିଟି ତାଙ୍କ ଇସ୍ତଫାକୁ ଗ୍ରହଣ କରି ନ ଥିଲା।