୧୯୮୩ରେ ଭାରତୀୟ କ୍ରିକେଟ ଟିମ୍ର ବିଶ୍ୱକପ ବିଜୟକୁ ନେଇ ତିଆରି ହୋଇଛି। ଫିଲ୍ମ ’୮୩’। ଏହି ଫିଲ୍ମରେ ରଣବୀର ଭାରତୀୟ କ୍ରିକେଟ ଟିମ୍ କ୍ୟାପଟେନ୍ କପିଲ ଦେବଙ୍କ ଭୂମିକାରେ ଅଭିନୟ କରୁଥିଲା ବେଳେ ଦୀପିକା ତାଙ୍କ ପତ୍ନୀ ରୋମି ଦେବଙ୍କୁ ଭୂମିକାରେ ଅଭିନୟ କରୁଛନ୍ତି। ଏହି ଫିଲ୍ମ ମାଧ୍ୟମରେ କପିଲ ଦେବଙ୍କ ଏକମାତ୍ର ଝିଅ ଆମିଆ ଦେବ ବଲିଉଡ୍ରେ ଡେବ୍ୟୁ କରୁଛନ୍ତି। ଜାନୁୟାରୀ,୧୬ ୧୯୯୬ରେ ଜନ୍ମ ହୋଇଥିବା ଆମିୟା ଆମେରିକାରେ ପଢୁଥିଲେ। ପରେ ଭାରତ ଫେରି ଏହି ଫିଲ୍ମ ପାଇଁ ଶୁଟିଂ କରିଥିଲେ। ଏହି ଫିଲ୍ମରେ ପ୍ରସିଦ୍ଧ କ୍ରିକେଟରଙ୍କ ପିତାଙ୍କ ଭୂମିକାରେ ନଜର ଆସିବେ ତାଙ୍କ ପୁଅ। ୧୯୮୩ ବିଶ୍ୱକପ୍ରେ ଭାରତୀୟ ଦଳରେ ଥିବା ସନ୍ଦୀପ ପାଟିଲଙ୍କ ଭୂମିକାରେ ନଜର ଆସିବେ ତାଙ୍କ ପୁଅ ଚିରାଗ ପାଟିଲ। ଚିରାଗ ପୂବ;ରୁ ଅନେକ ମରାଠୀ ଫିଲ୍ମରେ ଅଭିନୟ କରିଛନ୍ତି। ସେହିପରି ଓ୍ବେଷ୍ଟଇଣ୍ଡିଜ୍ ଟିମ୍ର ପ୍ରସିଦ୍ଧ ପେସ୍ ବୋଲର୍ ମାଲକମ୍ ମାର୍ଶଲଙ୍କ ଭୂମିକାରେ ପୁଅ ମିଚେଶ ମାର୍ଶଲ ଅଭିନୟ କରିବେ। ଓ୍ବେଷ୍ଟଇଣ୍ଡିଜ ବ୍ୟାଟ୍ସମ୍ୟାନ୍ ଗର୍ଡନ ଗ୍ରିନଜ୍ଙ୍କ ଭୂମିକାରେ କାର୍ଲ ଗ୍ରିନିଜ୍ ନଜର ଆସିବେ। ଭାରତୀୟ କ୍ରିକେଟ ଟିମ୍ର ବିଶ୍ୱକପ ବିଜୟକୁ ନେଇ ତିଆରି ହୋଇଛି। ଫିଲ୍ମର ନିର୍ଦ୍ଦେଶନା କବୀର ଖାନ ଦେଉଛନ୍ତି। ପୂର୍ବରୁ ରଣବୀର ଦୀପିକା ରାମଲୀଳା, ବାଜିରାଓ ମସ୍ତାନୀ, ପଦ୍ମାବତରେ ଭଳି ଫିଲ୍ମରେ ଏକାଠି ନଜର ଆସିଛନ୍ତି।