ମୁମ୍ବାଇ: କରୋନା ଭାଇରସକୁ ନେଇ ଦେଶରେ ଚାଲିଛି ଲକ୍ଡାଉନ୍। ଏହି ସମୟରେ ବଲିଉଡ୍ର ପ୍ରାୟ ସମସ୍ତ ସେଲିବ୍ରିଟି ଘରେ ଥିବା ବେଳେ ଏମାନେ ବିଭିନ୍ନ ସମୟରେ ଭିନ୍ନ ଭିନ୍ନ ଭିଡିଓ ସୋସିଆଲ ମିଡିଆରେ ପୋଷ୍ଟ କରୁଛନ୍ତି। ଯାହାକୁ ସେମାନଙ୍କ ପ୍ରଶଂସକମାନେ ବେଶ୍ ପସନ୍ଦ କରୁଛନ୍ତି। ହେଲେ ଏବେ ଅଭିନେତ୍ରୀ କିଆରା ଆଡଭାନିଙ୍କର ଏମିତି ଏକ ଭିଡିଓ ସାମ୍ନାକୁ ଆସିଛି ଯାହା ଦର୍ଶକଙ୍କୁ ବେଶ୍ ପସନ୍ଦ ଆସିଛି। ଲକ୍ଡାଉନ ସହ ଏହାର କୌଣସି ସମ୍ପର୍କ ନ ଥିଲେ ବି ଦର୍ଶକେ ଏହାକୁ ପସନ୍ଦ କରିଛନ୍ତି। ଭିଡିଓଟି ପୁରୁଣା ହୋଇଥିବା ବେଳେ କିଆରା ତାଙ୍କ ପିତାଙ୍କ ସହ ଖୁବ୍ ଡ୍ୟାନ୍ସ କରିଥିବା ନଜର ଆସିଛି। ଏହା ଏକ ବିବାହ ସମୟର ଭିଡିଓ। ଯେଉଁଥିରେ କିଆରାଙ୍କ ବାପା ମଧ୍ୟ ଜଣେ ପ୍ରଫେସନାଲ ଡ୍ୟାନ୍ସରଙ୍କ ଭଳି ନାଚୁଥିବା ଦେଖାଯାଇଛି। ସୋସିଆଲ ମିଡିଆରେ ଏବେ ଏହି ଭିଡିଓଟି ଖୁବ୍ ଭାଇରାଲ ହେଉଛି।