ଭାରତୀୟ କ୍ରିକେଟ ଦଳର ଷ୍ଟାର୍ ଅଲ୍ରାଉଣ୍ଡର ହାର୍ଦ୍ଦିକ ପାଣ୍ଡ୍ୟା ପିତା ହେବାକୁ ଯାଉଛନ୍ତି। ସୋସିଆଲ ମିଡିଆରେ ଫଟୋ ଶେୟାର କରି ଏହି ଖୁସିଖବର ନିଜ ଫ୍ୟାନ୍ଙ୍କୁ ଜଣାଇଛନ୍ତି ହାର୍ଦ୍ଦିକ ଏବଂ ତାଙ୍କ ଗର୍ଲଫ୍ରେଣ୍ଡ ନତାଶା ଷ୍ଟାନକୋଭିକ୍। ନତାଶା ଲେଖିଛନ୍ତି ଆମେ ଦୁହେଁ ଏକ ନୂଆ ଜୀବନର ସ୍ବାଗତ କରିବା ପାଇଁ ଉତ୍ସାହିତ ଅଛୁ। ଆପଣଙ୍କ ଆଶୀର୍ବାଦ ଏବଂ ଶୁଭକାମନା ଚାହୁଁଛୁ। ସୂଚନାଯୋଗ୍ୟ, ଚଳିତବର୍ଷ ନୂଆବର୍ଷ ଅବସରରେ ହାର୍ଦ୍ଦିକ ଓ ନତାଶା ଷ୍ଟାନଭିକ୍ଙ୍କ ନିର୍ବନ୍ଧ ଶେଷ ହୋଇଥିଲା। ଉଭୟେ ଇନ୍ଷ୍ଟାଗ୍ରାମରେ ଏନେଇ ଘୋଷଣା କରିଥିଲେ। ରିଲେସନଶିପ୍ରେ ରହିବା ପରେ ଦୁହିଁଙ୍କର ଅନେକ ଫଟୋ ଭାଇରାଲ ହୋଇଥିଲା।