ବୁଗୁଡା,୧୩ା୫(ଡି.ଏନ୍.ଏ.)- ଭଞ୍ଜନଗର ଉପଜିଲ୍ଲାପାଳ ରାଜେନ୍ଦ୍ର ମିଞ୍ଜ ମଙ୍ଗଳବାର ଅପରାହ୍ନରେ ବୁଗୁଡା ଗସ୍ତରେ ଆସିଥିଲେ। ବିଡିଓ ତନ୍ମୟ ପାତ୍ରଙ୍କ ସହ ବିଭିନ୍ନ ସଙ୍ଗରୋଧ ଗୃହ ପରିଦର୍ଶନ ପରେ ବୁଗୁଡା ପିପୁଲ୍ସ କଲେଜରେ ପହଞ୍ଚତ୍ଥିଲେ। ଭାରପ୍ରାପ୍ତ ଅଧ୍ୟକ୍ଷ ହରିକୃଷ୍ଣ ନାୟକଙ୍କ ସହ ଆଲୋଚନା କରିବା ସହ ବିଭିନ୍ନ ପ୍ରକୋଷ୍ଠ ବୁଲି ଦେଖିଥିଲେ। ସେଠାରେ କୋଭିଡ୍ କେୟାର ସେଣ୍ଟର କରାଯିବ ବୋଲି କହିବା ସହ ଏନେଇ ଆନୁଷଙ୍ଗିକ କାର୍ଯ୍ୟ ଆରମ୍ଭ କରିବାକୁ ବିଡିଓ ପାତ୍ରଙ୍କୁ କହିଥିଲେ। ସେଠାରେ ୧୦୦ ଶଯ୍ୟା ବିଶିଷ୍ଟ କୋଭିଡ୍ କେୟାର ସେଣ୍ଟର ହେବା ସହ ଡାକ୍ତର ରହିବେ ବୋଲି ଉପଜିଲାପାଳ ମିଞ୍ଜ ସୂଚନା ଦେଇଥିଲେ।